헬라어 문장 검색 - ΧενοπήΜεμοραβ́3́03́

(크세노폰, Memorabilia, Ἀπομνημονευμάτων Γ, chapter 3)

καὶ ἱππαρχεῖν δέ τινι ᾑρημένῳ οἶδά ποτε αὐτὸν τοιάδε διαλεχθέντα· ἔχοισ ἄν, ἔφη, ὦ νεανία, εἰπεῖν ἡμῖν ὅτου ἕνεκα ἐπεθύμησασ ἱππαρχεῖν; οὐ γὰρ δὴ τοῦ πρῶτοσ τῶν ἱππέων ἐλαύνειν· καὶ γὰρ οἱ ἱπποτοξόται τούτου γε ἀξιοῦνται· προελαύνουσι γοῦν καὶ τῶν ἱππάρχων. ἀληθῆ λέγεισ, ἔφη. ἀλλὰ μὴν οὐδὲ τοῦ γνωσθῆναί γε· ἐπεὶ καὶ οἱ μαινόμενοί γε ὑπὸ πάντων γιγνώσκονται. ἀληθέσ, ἔφη, καὶ τοῦτο λέγεισ.

ἀλλ’ ἄρα ὅτι τὸ ἱππικὸν οἰεί τῇ πόλει βέλτιον ἂν ποιήσασ παραδοῦναι καί, εἴ τισ χρεία γίγνοιτο ἱππέων, τούτων ἡγούμενοσ ἀγαθοῦ τινοσ αἴτιοσ γενέσθαι τῇ πόλει; καὶ μάλα, ἔφη. καὶ ἔστι γε νὴ Δί’, ἔφη ὁ Σωκράτησ, καλόν, ἐὰν δύνῃ ταῦτα ποιῆσαι. ἡ δὲ ἀρχή που ἐφ’ ἧσ ᾕρησαι ἵππων τε καὶ ἀμβατῶν ἐστιν. ἔστι γὰρ οὖν, ἔφη. ἴθι δὴ λέξον ἡμῖν τοῦτο πρῶτον, ὅπωσ διανοῇ τοὺσ ἵππουσ βελτίουσ ποιῆσαι.

καὶ ὅσ, ἀλλὰ τοῦτο μέν, ἔφη, οὐκ ἐμὸν οἶμαι τὸ ἔργον εἶναι, ἀλλὰ ἰδίᾳ ἕκαστον δεῖν τοῦ ἑαυτοῦ ἵππου ἐπιμελεῖσθαι. ἐὰν οὖν, ἔφη ὁ Σωκράτησ, παρέχωνταί σοι τοὺσ ἵππουσ οἱ μὲν οὕτω κακόποδασ ἢ κακοσκελεῖσ ἢ ἀσθενεῖσ, οἱ δὲ οὕτωσ ἀτρόφουσ, ὥστε μὴ δύνασθαι ἀκολουθεῖν, οἱ δὲ οὕτωσ ἀναγώγουσ ὥστε μὴ μένειν ὅπου ἂν σὺ τάξῃσ, οἱ δὲ οὕτω λακτιστὰσ ὥστε μηδὲ τάξαι δυνατὸν εἶναι, τί σοι τοῦ ἱππικοῦ ὄφελοσ ἔσται;

ἢ πῶσ δυνήσῃ τοιούτων ἡγούμενοσ ἀγαθόν τι ποιῆσαι τὴν πόλιν; καὶ ὅσ, ἀλλὰ καλῶσ τε λέγεισ, ἔφη, καὶ πειράσομαι τῶν ἵππων εἰσ τὸ δυνατὸν ἐπιμελεῖσθαι. τί δέ;

τοὺσ ἱππέασ οὐκ ἐπιχειρήσεισ, ἔφη, βελτίονασ ποιῆσαι; ἔγωγ’, ἔφη. οὐκοῦν πρῶτον μὲν ἀναβατικωτέρουσ ἐπὶ τοὺσ ἵππουσ ποιήσεισ αὐτούσ; δεῖ γοῦν, ἔφη· καὶ γὰρ εἴ τισ αὐτῶν καταπέσοι, μᾶλλον ἂν οὕτω σῴζοιτο. τί γάρ;

ἐάν που κινδυνεύειν δέῃ, πότερον ἐπάγειν τοὺσ πολεμίουσ ἐπὶ τὴν ἄμμον κελεύσεισ, ἔνθαπερ εἰώθατε ἱππεύειν, ἢ πειράσῃ τὰσ μελέτασ ἐν τοιούτοισ ποιεῖσθαι χωρίοισ ἐν οἱοίσπερ οἱ πόλεμοι γίγνονται; βέλτιον γοῦν, ἔφη.

τί γάρ; τοῦ βάλλειν ὡσ πλείστουσ ἀπὸ τῶν ἵππων ἐπιμέλειάν τινα ποιήσει; βέλτιον γοῦν, ἔφη, καὶ τοῦτο. θήγειν δὲ τὰσ ψυχὰσ τῶν ἱππέων καὶ ἐξοργίζειν πρὸσ τοὺσ πολεμίουσ, ἅπερ ἀλκιμωτέρουσ ποιεῖ, διανενόησαι; εἰ δὲ μή, ἀλλὰ νῦν γε πειράσομαι, ἔφη. ὅπωσ δέ σοι πείθωνται οἱ ἱππεῖσ πεφρόντικάσ τι;

ἄνευ γὰρ δὴ τούτου οὔτε ἵππων οὔτε ἱππέων ἀγαθῶν καὶ ἀλκίμων οὐδὲν ὄφελοσ. ἀληθῆ λέγεισ, ἔφη· ἀλλὰ πῶσ ἄν τισ μάλιστα, ὦ Σώκρατεσ, ἐπὶ τοῦτο αὐτοὺσ προτρέψαιτο; ἐκεῖνο μὲν δήπου οἶσθα, ὅτι ἐν παντὶ πράγματι οἱ ἄνθρωποι τούτοισ μάλιστα ἐθέλουσι πείθεσθαι οὓσ ἂν ἡγῶνται βελτίστουσ εἶναι.

καὶ γὰρ ἐν νόσῳ, ὃν ἂν ἡγῶνται ἰατρικώτατον εἶναι, τούτῳ μάλιστα πείθονται, καὶ ἐν πλοίῳ οἱ πλέοντεσ, ὃν ἂν κυβερνητικώτατον, καὶ ἐν γεωργίᾳ, ὃν ἂν γεωργικώτατον. καὶ μάλα, ἔφη. οὐκοῦν εἰκόσ, ἔφη, καὶ ἐν ἱππικῇ, ὃσ ἂν μάλιστα εἰδὼσ φαίνηται ἃ δεῖ ποιεῖν, τούτῳ μάλιστα ἐθέλειν τοὺσ ἄλλουσ πείθεσθαι. ἐὰν οὖν, ἔφη, ἐγώ, ὦ Σώκρατεσ, βέλτιστοσ ὢν αὐτῶν δῆλοσ ὦ, ἀρκέσει μοι τοῦτο εἰσ τὸ πείθεσθαι αὐτοὺσ ἐμοί;

ἐάν γε πρὸσ τούτῳ, ἔφη, διδάξῃσ αὐτοὺσ ὡσ τὸ πείθεσθαί σοι κάλλιόν τε καὶ σωτηριώτερον αὐτοῖσ ἔσται. πῶσ οὖν, ἔφη, τοῦτο διδάξω; πολὺ νὴ Δί’, ἔφη, ῥᾷον ἢ εἴ σοι δέοι διδάσκειν ὡσ τὰ κακὰ τῶν ἀγαθῶν ἀμείνω καὶ λυσιτελέστερά ἐστι. λέγεισ, ἔφη, σὺ τὸν ἵππαρχον πρὸσ τοῖσ ἄλλοισ ἐπιμελεῖσθαι δεῖν καὶ τοῦ λέγειν δύνασθαι;

σὺ δ’ ᾤου, ἔφη, χρῆναι σιωπῇ ἱππαρχεῖν; ἢ οὐκ ἐντεθύμησαι ὅτι, ὅσα τε νόμῳ μεμαθήκαμεν κάλλιστα ὄντα, δι’ ὧν γε ζῆν ἐπιστάμεθα, ταῦτα πάντα διὰ λόγου ἐμάθομεν, καὶ εἴ τι ἄλλο καλὸν μανθάνει τισ μάθημα, διὰ λόγου μανθάνει, καὶ οἱ ἄριστα διδάσκοντεσ μάλιστα λόγῳ χρῶνται καὶ οἱ τὰ σπουδαιότατα μάλιστα ἐπιστάμενοι κάλλιστα διαλέγονται; ἢ τόδε οὐκ ἐντεθύμησαι, ὡσ, ὅταν γε χορὸσ εἷσ ἐκ τῆσδε τῆσ πόλεωσ γίγνηται, ὥσπερ <ὁ> εἰσ Δῆλον πεμπόμενοσ, οὐδεὶσ ἄλλοθεν οὐδαμόθεν τούτῳ ἐφάμιλλοσ γίγνεται οὐδὲ εὐανδρία ἐν ἄλλῃ πόλει ὁμοία τῇ ἐνθάδε συνάγεται;

ἀληθῆ λέγεισ, ἔφη.

ἀλλὰ μὴν οὔτε εὐφωνίᾳ τοσοῦτον διαφέρουσιν Ἀθηναῖοι τῶν ἄλλων οὔτε σωμάτων μεγέθει καὶ ῥώμῃ, ὅσον φιλοτιμίᾳ, ἥπερ μάλιστα παροξύνει πρὸσ τὰ καλὰ καὶ ἔντιμα. ἀληθέσ, ἔφη, καὶ τοῦτο. οὐκοῦν οἰεί, ἔφη, καὶ τοῦ ἱππικοῦ τοῦ ἐνθάδε εἴ τισ ἐπιμεληθείη, ὡσ πολὺ ἂν καὶ τούτῳ διενέγκοιεν τῶν ἄλλων ὅπλων τε καὶ ἵππων παρασκευῇ καὶ εὐταξίᾳ καὶ τῷ ἑτοίμωσ κινδυνεύειν πρὸσ τοὺσ πολεμίουσ, εἰ νομίσειαν ταῦτα ποιοῦντεσ ἐπαίνου καὶ τιμῆσ τεύξεσθαι;

εἰκόσ γε, ἔφη.

μὴ τοίνυν ὄκνει, ἔφη, ἀλλὰ πειρῶ τοὺσ ἄνδρασ ἐπὶ ταῦτα προτρέπειν, ἀφ’ ὧν αὐτόσ τε ὠφελήσῃ καὶ οἱ ἄλλοι πολῖται διὰ σέ. ἀλλὰ νὴ Δία πειράσομαι, ἔφη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Γ, chapter 3

(크세노폰, Memorabilia, Ἀπομνημονευμάτων Γ, chapter 3)

상위

목록

SEARCH

MENU NAVIGATION