헬라어 문장 검색 - ΧενοπήΜεμοραβ́2́05́

(크세노폰, Memorabilia, Ἀπομνημονευμάτων Β, chapter 5)

ἤκουσα δέ ποτε καὶ ἄλλον αὐτοῦ λόγον, ὃσ ἐδόκει μοι προτρέπειν τὸν ἀκούοντα ἐξετάζειν ἑαυτὸν ὁπόσου τοῖσ φίλοισ ἄξιοσ εἰή. ἰδὼν γάρ τινα τῶν συνόντων ἀμελοῦντα φίλου πενίᾳ πιεζομένου, ἤρετο Ἀντισθένη ἐναντίον τοῦ ἀμελοῦντοσ αὐτοῦ καὶ ἄλλων πολλῶν· ἆρ’, ἔφη, ὦ Ἀντίσθενεσ, εἰσί τινεσ ἀξίαι φίλων, ὥσπερ οἰκετῶν;

τῶν γὰρ οἰκετῶν ὁ μέν που δυοῖν μναῖν ἄξιόσ ἐστιν, ὁ δὲ οὐδ’ ἡμιμναίου, ὁ δὲ πέντε μνῶν, ὁ δὲ καὶ δέκα· Νικίασ δὲ ὁ Νικηράτου λέγεται ἐπιστάτην εἰσ τἀργύρεια πρίασθαι ταλάντου· σκοποῦμαι δὴ τοῦτο, ἔφη, εἰ ἄρα, ὥσπερ τῶν οἰκετῶν, οὕτω καὶ τῶν φίλων εἰσὶν ἀξίαι. ναὶ μὰ Δί’, ἔφη ὁ Ἀντισθένησ·

ἐγὼ γοῦν βουλοίμην ἂν τὸν μέν τινα φίλον μοι εἶναι μᾶλλον ἢ δύο μνᾶσ, τὸν δ’ οὐδ’ ἂν ἡμιμναίου προτιμησαίμην, τὸν δὲ καὶ πρὸ δέκα μνῶν ἑλοίμην ἄν, τὸν δὲ πρὸ πάντων χρημάτων, καὶ πόνων πριαίμην ἂν φίλον μοι εἶναι. οὐκοῦν, ἔφη ὁ Σωκράτησ, εἴ γε ταῦτα τοιαῦτά ἐστι, καλῶσ ἂν ἔχοι ἐξετάζειν τινὰ ἑαυτόν, πόσου ἄρα τυγχάνει τοῖσ φίλοισ ἄξιοσ ὤν, καὶ πειρᾶσθαι ὡσ πλείστου ἄξιοσ εἶναι, ἵνα ἧττον αὐτὸν οἱ φίλοι προδιδῶσιν.

ἐγὼ γάρ τοι, ἔφη, πολλάκισ ἀκούων τοῦ μὲν ὅτι προύδωκεν αὐτὸν φίλοσ ἀνήρ, τοῦ δ’ ὅτι μνᾶν ἀνθ’ ἑαυτοῦ μᾶλλον εἵλετο ἀνήρ, ὃν ᾤετο φίλον εἶναι, τὰ τοιαῦτα πάντα σκοπῶ, μή, ὥσπερ ὅταν τισ οἰκέτην πονηρὸν πωλῇ καὶ ἀποδίδοται τοῦ εὑρόντοσ, οὕτω καὶ τὸν πονηρὸν φίλον, ὅταν ἐξῇ τὸ πλέον τῆσ ἀξίασ λαβεῖν, ἐπαγωγὸν ᾖ ἀποδίδοσθαι· τοὺσ δὲ χρηστοὺσ οὔτε οἰκέτασ πάνυ τι πωλουμένουσ ὁρῶ οὔτε φίλουσ προδιδομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Β, chapter 5

(크세노폰, Memorabilia, Ἀπομνημονευμάτων Β, chapter 5)

상위

목록

SEARCH

MENU NAVIGATION