헬라어 문장 검색 - ΠολψβίΗιστορί11́035́

(폴리비오스, Histories, book 11, chapter 32)

Τότε μὲν οὖν ταῦτ’ εἰπὼν διαφῆκε τὴν ἐκκλησίαν. τῇ δ’ ἐπαύριον ἀναζεύξασ προῆγε, καὶ παραγενηθεὶσ ἐπὶ τὸν Ἴβηρα ποταμὸν δεκαταῖοσ καὶ περαιωθεὶσ τῇ τετάρτῃ μετὰ ταύτην προσεστρατοπέδευσε τοῖσ ὑπεναντίοισ, λαβὼν αὐλῶνά τινα μεταξὺ τῆσ αὑτοῦ καὶ τῶν πολεμίων στρατοπεδείασ. τῇ δ’ ἑξῆσ εἰσ τὸν προειρημένον αὐλῶνα προσέβαλέ τινα θρέμματα τῶν παρεπομένων τῷ στρατοπέδῳ, συντάξασ ἑτοίμουσ ἔχειν τοὺσ ἱππεῖσ τῷ Γαί̈ῳ, τοὺσ δὲ γροσφομάχουσ ἐπέταξε τῶν χιλιάρχων τισὶ παρασκευάζειν.

ταχὺ δὲ τῶν Ἰβήρων ἐπιπεσόντων ἐπὶ τὰ θρέμματ’ ἐξαφῆκε τῶν γροσφομάχων τινάσ.

γινομένησ δὲ διὰ τούτων συμπλοκῆσ καὶ προσβοηθούντων ἑκατέροισ πλειόνων, συνέστη μέγασ ἀκροβολισμὸσ τῶν πεζῶν περὶ τὸν αὐλῶνα. τοῦ δὲ καιροῦ παραδιδόντοσ εὐλόγουσ ἀφορμὰσ πρὸσ ἐπίθεσιν, ἔχων ὁ Γάιοσ ἑτοίμουσ τοὺσ ἱππεῖσ κατὰ τὸ συνταχθὲν ἐπεβάλετο τοῖσ ἀκροβολιζομένοισ, ἀποτεμόμενοσ ἀπὸ τῆσ παρωρείασ, ὥστε τοὺσ πλείουσ αὐτῶν κατὰ τὸν αὐλῶνα σκεδασθέντασ ὑπὸ τῶν ἱππέων διαφθαρῆναι.

παροξυνθέντεσ οἱ βάρβαροι, καὶ διαγωνιάσαντεσ μὴ διὰ τὸ προηττῆσθαι δόξωσι καταπεπλῆχθαι τοῖσ ὅλοισ, ἐξῆγον ἅμα τῷ φωτὶ καὶ παρέταττον εἰσ μάχην ἅπασαν τὴν δύναμιν.

πιστεύων μὲν καὶ τοῖσ ἱππεῦσι τοῖσ ἰδίοισ, ἔτι δὲ μᾶλλον τοῖσ πεζοῖσ, διὰ τὸ κατὰ τὰσ ἐξ ὁμολόγου καὶ συστάδην μάχασ τόν τε καθοπλισμὸν καὶ τοὺσ ἄνδρασ τοὺσ παρ’ αὑτοῦ πολὺ διαφέρειν τῶν Ἰβήρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, chapter 32

(폴리비오스, Histories, book 11, chapter 32)

상위

목록

SEARCH

MENU NAVIGATION