헬라어 문장 검색 - ΠολψβίΗιστορί11́028́

(폴리비오스, Histories, book 11, chapter 25)

Ὅτι στάσεωσ γενομένησ τινῶν ἐν τῷ στρατοπέδῳ τῷ Ῥωμαϊκῷ, ὁ Πόπλιοσ, καίπερ ἤδη πεῖραν εἰληφὼσ τῶν πραγμάτων ἐφ’ ἱκανόν, ὅμωσ οὐδέποτε μᾶλλον εἰσ ἀπορίαν ἧκε καὶ δυσχρηστίαν. καὶ τοῦτ’ ἔπασχε κατὰ λόγον· τὸν αὐτὸν δὴ τρόπον καὶ περὶ πολιτείασ καὶ περὶ στρατοπέδων διαληπτέον.

πρὸσ δὲ τὰσ ἐν αὐτοῖσ γενομένασ ἀντιπολιτείασ καὶ στάσεισ καὶ ταραχὰσ δύσχρηστοσ ἡ βοήθεια καὶ μεγάλησ ἐπιδεξιότητοσ καὶ διαφερούσησ ἀγχινοίασ δεομένη·

πλὴν ἑνὸσ παραγγέλματοσ, ὃ πᾶσιν ἁρμόσει, δεῖ καὶ στρατοπέδοισ καὶ πόλεσι καὶ σώμασιν, ὡσ ἐμὴ δόξα.

τοῦτο δ’ ἐστὶ τὸ μηδέποτ’ ἐᾶν ἐπὶ πολὺ ῥᾳθυμεῖν καὶ σχολάζειν περὶ μηδὲν τῶν προειρημένων, ἥκιστα δ’ ἐν ταῖσ εὐροίαισ τῶν πραγμάτων καὶ ἐν ταῖσ δαψιλείαισ τῶν ἐπιτηδείων.

πλὴν ὅ γε Πόπλιοσ, ἅτε διαφερόντωσ ἐπιμελὴσ ὤν, καθάπερ ἐξ ἀρχῆσ εἶπον, ἔτι δ’ ἀγχίνουσ καὶ πρακτικόσ, συναθροίσασ τοὺσ χιλιάρχουσ τοιάνδε τινὰ τῶν ἐνεστώτων εἰσηγεῖτο λύσιν.

ἔφη γὰρ δεῖν ἀναδέξασθαι τοῖσ στρατιώταισ τὴν τῶν ὀψωνίων ἀπόδοσιν·

χάριν δὲ τοῦ πιστεύεσθαι τὴν ἐπαγγελίαν, τὰσ ἐπιτεταγμένασ εἰσφορὰσ ταῖσ πόλεσι πρότερον εἰσ τὴν τοῦ παντὸσ στρατοπέδου χορηγίαν ταύτασ νῦν ἁθροίζειν ἐπιφανῶσ καὶ μετὰ σπουδῆσ, ὡσ πρὸσ τὴν διόρθωσιν τῶν ὀψωνίων γινομένησ τῆσ παρασκευῆσ· τοὺσ δὲ χιλιάρχουσ τοὺσ αὐτοὺσ πάλιν πορευθέντασ ἀξιοῦν καὶ παρακαλεῖν μετατίθεσθαι τὴν ἄγνοιαν καὶ κομίζεσθαι τὰσ σιταρχίασ, παραγινομένουσ ὡσ αὐτόν, ἄν τε κατὰ μέρη βούλωνται τοῦτο ποιεῖν ἄν θ’ ὁμοῦ πάντεσ.

γενομένου δὲ τούτου τὸ λοιπὸν ἤδη παρ’ αὐτὸν τὸν καιρὸν ἔφη δεῖν βουλεύεσθαι τί δέον ἐστὶ πράττειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, chapter 25

(폴리비오스, Histories, book 11, chapter 25)

상위

목록

SEARCH

MENU NAVIGATION