헬라어 문장 검색 - ΠολψβίΗιστορί11́037́

(폴리비오스, Histories, book 11, vi. res asiae)

Καὶ γὰρ αὐτὸσ ἦν ὁ Εὐθύδημοσ Μάγνησ, πρὸσ ὃν ἀπελογίζετο φάσκων ὡσ οὐ δικαίωσ αὐτὸν Ἀντίοχοσ ἐκ τῆσ βασιλείασ ἐκβαλεῖν σπουδάζει· γεγονέναι γὰρ οὐκ αὐτὸσ ἀποστάτησ τοῦ βασιλέωσ, ἀλλ’ ἑτέρων ἀποστάντων ἐπανελόμενοσ τοὺσ ἐκείνων ἐκγόνουσ, οὕτωσ κρατῆσαι τῆσ Βακτριανῶν ἀρχῆσ.

ὥσ γ’ ἐὰν μὴ συγχωρῇ τοῖσ ἀξιουμένοισ, οὐδετέρῳ τῆσ ἀσφαλείασ ὑπαρχούσησ·

πλήθη γὰρ οὐκ ὀλίγα παρεῖναι τῶν Νομάδων, δι’ ὧν κινδυνεύειν μὲν ἀμφοτέρουσ, ἐκβαρβαρωθήσεσθαι δὲ τὴν χώραν ὁμολογουμένωσ, ἐὰν ἐκείνουσ προσδέχωνται.

ταῦτα δ’ εἰπὼν ἐξαπέστειλε τὸν Τηλέαν πρὸσ τὸν Ἀντίοχον.

ὁ δὲ βασιλεύσ, πάλαι περιβλεπόμενοσ λύσιν τῶν πραγμάτων, πυθόμενοσ ταῦτα παρὰ τοῦ Τηλέου, προθύμωσ ὑπήκουσε πρὸσ τὰσ διαλύσεισ διὰ τὰσ προειρημένασ αἰτίασ.

τοῦ δὲ Τηλέου προσανακάμψαντοσ καὶ πολλάκισ πρὸσ ἀμφοτέρουσ, τέλοσ Εὐθύδημοσ ἐξέπεμψε Δημήτριον τὸν υἱὸν βεβαιώσοντα τὰσ ὁμολογίασ·

ὃν ὁ βασιλεὺσ ἀποδεξάμενοσ, καὶ νομίσασ ἄξιον εἶναι τὸν νεανίσκον βασιλείασ καὶ κατὰ τὴν ἐπιφάνειαν καὶ κατὰ τὴν ἔντευξιν καὶ προστασίαν, πρῶτον μὲν ἐπηγγείλατο δώσειν αὐτῷ μίαν τῶν ἑαυτοῦ θυγατέρων· δεύτερον δὲ συνεχώρησε τῷ πατρὶ τὸ τῆσ βασιλείασ ὄνομα.

περὶ δὲ τῶν λοιπῶν ἐγγράπτουσ ποιησάμενοσ ὁμολογίασ καὶ συμμαχίαν ἔνορκον, ἀνέζευξε σιτομετρήσασ δαψιλῶσ τὴν δύναμιν, προσλαβὼν καὶ τοὺσ ὑπάρχοντασ ἐλέφαντασ τοῖσ περὶ τὸν Εὐθύδημον.

καὶ λαβὼν ἐλέφαντασ, ὥστε γενέσθαι τοὺσ ἅπαντασ εἰσ ἑκατὸν καὶ πεντήκοντ’, ἔτι δὲ σιτομετρήσασ πάλιν ἐνταῦθα τὴν δύναμιν, αὐτὸσ μὲν ἀνέζευξε μετὰ τῆσ στρατιᾶσ, Ἀνδροσθένην δὲ τὸν Κυζικηνὸν ἐπὶ τῆσ ἀνακομιδῆσ ἀπέλιπε τῆσ γάζησ τῆσ ὁμολογηθείσησ αὐτῷ παρὰ τοῦ βασιλέωσ.

διελθὼν δὲ τὴν Ἀραχωσίαν καὶ περαιωθεὶσ τὸν Ἐρύμανθον ποταμόν, ἧκε διὰ τῆσ Δραγγηνῆσ εἰσ τὴν Καρμανίαν, οὗ καὶ συνάπτοντοσ ἤδη τοῦ χειμῶνοσ ἐποιήσατο τὴν παραχειμασίαν.

καὶ συλλήβδην ἠσφαλίσατο τὴν βασιλείαν, καταπληξάμενοσ τῇ τόλμῃ καὶ φιλοπονίᾳ πάντασ τοὺσ ὑποταττομένουσ·

διὰ γὰρ ταύτησ τῆσ στρατείασ ἄξιοσ ἐφάνη τῆσ βασιλείασ οὐ μόνον τοῖσ κατὰ τὴν Ἀσίαν, ἀλλὰ καὶ τοῖσ κατὰ τὴν Εὐρώπην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, vi. res asiae

(폴리비오스, Histories, book 11, vi. res asiae)

상위

목록

SEARCH

MENU NAVIGATION