헬라어 문장 검색 - ΠολψβίΗιστορί11́017́

(폴리비오스, Histories, book 11, chapter 16)

Ὁ δὲ Φιλοποίμην ἅμα τῷ παραπεσεῖν κατὰ τῶν ὑπεναντίων τὸν ἐκ πολλῶν χρόνων ἑωραμένον ὑπ’ αὐτοῦ καιρόν, τότε πᾶσιν ἐπάγειν τοῖσ φαλαγγίταισ καταβαλοῦσι τὰσ σαρίσασ παρήγγειλε. τῶν δ’ Ἀχαιῶν ὁμοθυμαδὸν καὶ μετὰ καταπληκτικῆσ κραυγῆσ ποιησαμένων τὴν ἔφοδον, οἱ μὲν προδιαλελυκότεσ τὰσ τάξεισ τῶν Λακεδαιμονίων ἐν τῇ τῆσ τάφρου καταβάσει πάλιν ἀναβαίνοντεσ πρὸσ ὑπερδεξίουσ τοὺσ πολεμίουσ ἀποδειλιάσαντεσ ἐτρέποντο·

τὸ δὲ πολὺ πλῆθοσ ἐν αὐτῇ τῇ τάφρῳ διεφθείρετο, τὸ μὲν ὑπὸ τῶν Ἀχαιῶν, τὸ δ’ ὑπὸ τῶν ἰδίων.

συνέβαινε δὲ τὸ προειρημένον οὐκ αὐτομάτωσ οὐδ’ ἐκ τοῦ καιροῦ, διὰ δὲ τὴν ἀγχίνοιαν τοῦ προεστῶτοσ, ὃσ εὐθέωσ προεβάλετο τὴν τάφρον.

ὁ δὲ Φιλοποίμην οὐ φυγομαχῶν, ὥσ τινεσ ὑπελάμβανον, ἀλλὰ καὶ λίαν ἀκριβῶσ καὶ στρατηγικῶσ ἕκαστα συλλογισάμενοσ, ὅτι παραγενόμενοσ ὁ Μαχανίδασ, εἰ μὲν προσάξει τὴν δύναμιν οὐ προϊδόμενοσ τὴν τάφρον, οὕτω συμβήσεται παθεῖν αὐτῷ τὴν φάλαγγα τὸ προειρημένον νῦν, γινόμενον δὲ τότ’ ἐπὶ τῆσ ἀληθείασ·

εἰ δὲ συλλογισάμενοσ τὴν δυσχρηστίαν τῆσ τάφρου, κἄπειτα μεταμεληθεὶσ καὶ δόξασ ἀποδειλιᾶν, ἐκ παρατεταγμένων ἀπολύσει καὶ μακρὰν αὑτὸν ἐν πορείᾳ διδόναι μέλλει, διότι χωρὶσ ὁλοσχεροῦσ ἀγῶνοσ αὐτῷ μὲν τὸ νικᾶν, ἐκείνῳ δὲ τἀναντία περιέσται.

οἱ δὲ διὰ πλῆθοσ, οἱ δὲ δι’ ἄλλασ αἰτίασ, μακρὰν ἑαυτοὺσ δόντεσ ἐν πορείᾳ, κατὰ τὴν ἀπόλυσιν δι’ αὐτῶν τῶν οὐραγούντων ἤλπισαν οἱ μὲν προτερήσειν, οἱ δ’ ἀσφαλῶσ ἀπολυθήσεσθαι τῶν πολεμίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 11, chapter 16

(폴리비오스, Histories, book 11, chapter 16)

상위

목록

SEARCH

MENU NAVIGATION