헬라어 문장 검색 - ΠολψβίΗιστορί11́012́

(폴리비오스, Histories, book 11, chapter 11)

τοὺσ δὲ μισθοφόρουσ ἐξ ἑκατέρου τοῦ μέρουσ τῆσ πρωτοπορείασ παραλλήλουσ ἄγων, ἐπὶ δὲ τούτοισ ζεύγη πλῆθοσ ὀργάνων καὶ βελῶν κομίζοντα καταπελτικῶν. κατὰ δὲ τὸν αὐτὸν καιρὸν Φιλοποίμην εἰσ τρία μέρη διῃρηκὼσ τὴν δύναμιν ἐξῆγεν ἐκ τῆσ Μαντινείασ, κατὰ μὲν τὴν ἐκ τοῦ Ποσειδῶνοσ ἱεροῦ φέρουσαν τοὺσ Ἰλλυριοὺσ καὶ θωρακίτασ, ἅμα δὲ τὸ ξενικὸν ἅπαν καὶ τοὺσ εὐζώνουσ, κατὰ δὲ τὴν ἑξῆσ ὡσ πρὸσ τὰσ δύσεισ τοὺσ φαλαγγίτασ, ἔτι δὲ κατὰ τὴν ἐχομένην τοὺσ πολιτικοὺσ ἱππεῖσ.

τοῖσ μὲν οὖν εὐζώνοισ κατελάβετο πρώτοισ τὸν λόφον τὸν πρὸ τῆσ πόλεωσ, ὃσ ἀνατείνων ἱκανὸν ὑπὲρ τὴν ὁδὸν κεῖται τὴν Ξενίδα καὶ τὸ προειρημένον ἱερόν·

τοὺσ δὲ θωρακίτασ συνάπτων ἐπὶ τὴν μεσημβρίαν κατέστησε. τούτοισ δὲ συνεχεῖσ τοὺσ Ἰλλυριοὺσ παρενέβαλε. μετὰ δὲ τούτουσ ἐπὶ τὴν αὐτὴν εὐθεῖαν τὴν φάλαγγα κατὰ τέλη σπειρηδὸν ἐν διαστήμασιν ἐπέστησε παρὰ τὴν τάφρον τὴν φέρουσαν ἐπὶ τοῦ Ποσειδίου διὰ μέσου τοῦ τῶν Μαντινέων πεδίου καὶ συνάπτουσαν τοῖσ ὄρεσι τοῖσ συντερμονοῦσι τῇ τῶν Ἐλισφασίων χώρᾳ.

πρὸσ μὲν τούτοισ ἐπὶ τὸ δεξιὸν κέρασ ἐπέστησε τοὺσ Ἀχαϊκοὺσ ἱππεῖσ, ὧν Ἀρισταίνετοσ ἡγεῖτο Δυμαῖοσ·

κατὰ δὲ τὸ λαιὸν αὐτὸσ εἶχε τὸ ξενικὸν ἅπαν ἐν ἐπαλλήλοισ τάξεσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, chapter 11

(폴리비오스, Histories, book 11, chapter 11)

상위

목록

SEARCH

MENU NAVIGATION