헬라어 문장 검색 - ΠολψβίΗιστορί11́015́

(폴리비오스, Histories, book 11, chapter 14)

Διὸ δὴ καὶ τότε συνέβαινε τὸ παρὰ τῷ Μαχανίδᾳ ξενικὸν οὕτωσ ἐκθύμωσ ἀγωνίζεσθαι καὶ βιαίωσ ὥστε μηδὲ τοὺσ ἐφεδρεύοντασ τοῖσ ξένοισ Ἰλλυριοὺσ καὶ θωρακίτασ δύνασθαι τὴν ἔφοδον αὐτῶν ὑπομεῖναι, πάντασ δ’ ἐκπιεσθέντασ φεύγειν προτροπάδην ὡσ ἐπὶ τῆσ Μαντινείασ, ἀπεχούσησ τῆσ πόλεωσ ἑπτὰ σταδίουσ. ἐν ᾧ δὴ καιρῷ τὸ παρ’ ἐνίοισ ἀπορούμενον τότε παρὰ πᾶσιν ὁμολογούμενον ἐγένετο καὶ συμφανέσ, ὅτι πλεῖστα τῶν κατὰ πόλεμον συντελουμένων παρὰ τὴν τῶν ἡγουμένων ἐμπειρίαν καὶ πάλιν ἀπειρίαν ἐπιτελεῖται.

μέγα μὲν γὰρ ἴσωσ καὶ τὸ προτερήματοσ ἀρχὴν λαβόντα προσθεῖναι τἀκόλουθον, πολὺ δὲ μεῖζον τὸ σφαλέντα ταῖσ πρώταισ ἐπιβολαῖσ μεῖναι παρ’ αὑτὸν καὶ συνιδεῖν τὴν τῶν εὐτυχούντων ἀκρισίαν καὶ συνεπιθέσθαι τοῖσ τούτων ἁμαρτήμασιν.

ἰδεῖν γοῦν ἔστι πολλάκισ τοὺσ μὲν ἤδη δοκοῦντασ πεπροτερηκέναι μετ’ ὀλίγον τοῖσ ὅλοισ ἐσφαλμένουσ, τοὺσ δ’ ἐν ἀρχαῖσ δόξαντασ ἐπταικέναι πάλιν ἐκ μεταβολῆσ παρὰ τὴν αὑτῶν ἀγχίνοιαν τὰ ὅλα παραδόξωσ κατωρθωκότασ.

ὃ δὴ καὶ τότε προφανῶσ ἐδόκει περὶ τοὺσ ἡγεμόνασ ἀμφοτέρουσ γεγονέναι.

τούτων μὲν οὐδὲν ἔπραξεν, ἀκρατῶσ δὲ καὶ μειρακιωδῶσ συνεκχυθεὶσ τοῖσ ἑαυτοῦ μισθοφόροισ ἐπέκειτο τοῖσ φεύγουσιν, ὥσπερ οὐκ αὐτὸν τὸν φόβον ἱκανὸν ὄντα τοὺσ ἅπαξ ἐγκλίναντασ ἄχρι τῶν πυλῶν συνδιώκειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 11, chapter 14

(폴리비오스, Histories, book 11, chapter 14)

상위

목록

SEARCH

MENU NAVIGATION