헬라어 문장 검색 - ΠολψβίΗιστορί11́032́

(폴리비오스, Histories, book 11, chapter 29)

οὐδένα. καὶ μὴν οὐδὲ τοῖσ ὑποκειμένοισ ἀσχάλλοντεσ· πότε γὰρ εὔροια πραγμάτων μείζων; πότε δὲ πλείω προτερήματα γέγονε τῇ Ῥώμῃ; πότε δὲ τοῖσ στρατευομένοισ μείζουσ ἐλπίδεσ ἢ νῦν; ἀλλ’ ἴσωσ ἐρεῖ τισ τῶν ἀπηλπικότων ὅτι πλείω τὰ λυσιτελῆ τὰ παρὰ τοῖσ ἐχθροῖσ προυφαίνετο καὶ μείζουσ ἐλπίδεσ καὶ βεβαιότεραι·

παρὰ τίσι δὴ τούτοισ; ἢ παρ’ Ἀνδοβάλῃ καὶ Μανδονίῳ;

καὶ τίσ ὑμῶν οὐκ οἶδε διότι πρότερον μὲν οὗτοι παρασπονδήσαντεσ Καρχηδονίουσ πρὸσ ἡμᾶσ ἀπέστησαν, νῦν δὲ πάλιν ἀθετήσαντεσ τοὺσ ὁρ́κουσ καὶ τὴν πίστιν ἐχθροὺσ ἡμῖν σφᾶσ αὐτοὺσ ἀναδεδείχασι; καλόν γε τούτοισ πιστεύσαντασ πολεμίουσ γενέσθαι τῆσ ἑαυτῶν πατρίδοσ.

οὐ μὴν οὐδ’ ἐν αὑτοῖσ εἴχετε τὰσ ἐλπίδασ ὡσ κρατήσοντεσ τῆσ Ἰβηρίασ·

οὐδὲ γὰρ μετ’ Ἀνδοβάλου ταχθέντεσ ἱκανοὶ πρὸσ ἡμᾶσ ἦτε διακινδυνεύειν, μή τι καὶ καθ’ ἑαυτοὺσ ταττόμενοι. τί οὖν ἦν ᾧ προσείχετε;

πυθέσθαι γὰρ ἂν βουλοίμην ὑμῶν. εἰ μὴ νὴ Δία ταῖσ ἐμπειρίαισ τῶν νῦν προχειρισθέντων ἡγεμόνων καὶ ταῖσ ἀρεταῖσ πιστεύοντεσ ἢ καὶ ταῖσ ῥάβδοισ καὶ τοῖσ πελέκεσι τοῖσ προηγουμένοισ αὐτῶν· ὑπὲρ ὧν οὐδὲ λέγειν πλείω καλόν. ἀλλ’ οὐκ ἔστι τούτων, ὦ ἄνδρεσ, οὐδέν·

οὐδ’ ἂν ἔχοιθ’ ὑμεῖσ δίκαιον οὐδὲ τοὐλάχιστον εἰπεῖν οὔτε πρὸσ ἡμᾶσ οὔτε πρὸσ τὴν πατρίδα. διόπερ ἐγὼ περὶ ὑμῶν πρόσ τε τὴν Ῥώμην καὶ πρὸσ αὑτὸν ἀπολογήσομαι, τὰ παρὰ πᾶσιν ἀνθρώποισ ὁμολογούμενα δίκαια προθέμενοσ.

ταῦτα δ’ ἐστὶ διότι πᾶσ ὄχλοσ εὐπαραλόγιστοσ ὑπάρχει καὶ πρὸσ πᾶν εὐάγωγοσ.

ὅθεν αἰεὶ τὸ παραπλήσιον πάθοσ συμβαίνει περί τε τοὺσ ὄχλουσ καὶ τὴν θάλατταν. τὸν αὐτὸν τρόπον καὶ τὸ πλῆθοσ ἀεὶ καὶ φαίνεται καὶ γίνεται πρὸσ τοὺσ χρωμένουσ οἱούσ ἂν ἔχῃ προστάτασ καὶ συμβούλουσ.

διὸ κἀγὼ νῦν καὶ πάντεσ οἱ προεστῶτεσ τοῦ στρατοπέδου πρὸσ μὲν ὑμᾶσ διαλυόμεθα καὶ πίστιν δίδομεν ἐφ’ ᾧ μὴ μνησικακήσειν.

πρὸσ δὲ τοὺσ αἰτίουσ ἀκαταλλάκτωσ διακείμεθα, κολάζειν αὐτοὺσ ἀξίωσ καὶ τῶν εἰσ τὴν πατρίδα καὶ τῶν εἰσ ἡμᾶσ ἡμαρτημένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, chapter 29

(폴리비오스, Histories, book 11, chapter 29)

상위

목록

SEARCH

MENU NAVIGATION