헬라어 문장 검색 - ΠολψβίΗιστορί11́030́

(폴리비오스, Histories, book 11, chapter 27)

τοῖσ δὲ χιλιάρχοισ καὶ τοῖσ ἐπάρχοισ, ὅταν ἐκπορευομένοισ μετὰ τοῦτο τὸ πρῶτον τὰσ μὲν ἀποσκευὰσ ἀποτιθέναι, τοὺσ δὲ στρατιώτασ κατέχειν ἐν τοῖσ ὅπλοισ ἐπὶ τῆσ πύλησ, κἄπειτα διελεῖν σφᾶσ ἐφ’ ἑκάστην τῶν πυλῶν καὶ φροντίζειν ἵνα μηδεὶσ ἐκπορεύηται τῶν ἀποστατῶν. οἱ δὲ πρὸσ τὴν ἀπάντησιν ἀποτεταγμένοι, συμμίξαντεσ τοῖσ παραγινομένοισ πρὸσ αὐτούσ, ἀπῆγον μετὰ φιλανθρωπίασ τοὺσ ἐν ταῖσ αἰτίαισ κατὰ τὸ συντεταγμένον.

τούτοισ μὲν οὖν ὑπ’ αὐτὸν τὸν καιρὸν ἐρρήθη συλλαβεῖν τοὺσ πέντε καὶ τριάκοντ’ ἄνδρασ, ἐπειδὰν δειπνήσωσι, δήσαντάσ τε τηρεῖν, μηδενὸσ ἔτι τῶν ἔνδον ἐκπορευομένου πλὴν τοῦ διασαφήσοντοσ τῷ στρατηγῷ παρ’ ἑκάστου τὸ γεγονόσ.

πραξάντων δὲ τῶν χιλιάρχων τὸ συνταχθέν, εἰσ τὴν ἐπιοῦσαν ὁ στρατηγὸσ ἅμα τῷ φωτὶ θεωρῶν τοὺσ παραγινομένουσ ἡθροισμένουσ εἰσ τὴν ἀγοράν, συνεκάλει τὴν ἐκκλησίαν.

πρὸσ μὲν τοὺσ ἐπὶ τῶν πυλῶν χιλιάρχουσ ὁ Πόπλιοσ διεπέμψατο, κελεύων αὐτοὺσ ἄγειν τοὺσ στρατιώτασ ἐν τοῖσ ὅπλοισ καὶ περιστῆναι τὴν ἐκκλησίαν, αὐτὸσ δὲ προπορευθεὶσ ἐξέστησε ταῖσ διανοίαισ πάντασ εὐθέωσ κατὰ τὴν πρώτην φαντασίαν·

ἔτι γὰρ ὑπολαμβάνοντεσ αὐτὸν ἀσθενῶσ ἔχειν οἱ πολλοί, κἄπειτα παρὰ τὴν προσδοκίαν αἰφνιδίωσ ἐρρωμένον θεασάμενοι κατὰ τὴν ἐπίφασιν κατεπλάγησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, chapter 27

(폴리비오스, Histories, book 11, chapter 27)

상위

목록

SEARCH

MENU NAVIGATION