헬라어 문장 검색 - ΠολψβίΗιστορί11́024́

(폴리비오스, Histories, book 11, chapter 22)

Κατὰ δὲ τὸν καιρὸν τοῦτον δυσὶ δοκεῖ κεχρῆσθαι στρατηγήμασιν ὁ Πόπλιοσ. τοὺσ δὲ Ῥωμαίουσ μέσουσ ἀντιτάττειν τοῖσ Λίβυσι, τοὺσ δ’ Ἴβηρασ ἐπὶ τῶν κεράτων παρεμβάλλειν, ᾗ προέθετο κρίνειν ἡμέρᾳ, τἀναντία τοῖσ προειρημένοισ ποιήσασ μεγάλα συνήργησε ταῖσ σφετέραισ δυνάμεσι πρὸσ τὸ νικᾶν, οὐκ ὀλίγα δ’ ἠλάττωσε τοὺσ πολεμίουσ.

ἅμα γὰρ τῷ φωτὶ διαπεμψάμενοσ τοὺσ ὑπηρέτασ παρήγγειλε πᾶσι τοῖσ χιλιάρχοισ καὶ τοῖσ στρατιώταισ ἀριστοποιησαμένουσ καὶ καθοπλισαμένουσ ἐξάγειν πρὸ τοῦ χάρακοσ.

γενομένου δὲ τούτου καὶ προθύμωσ πειθαρχησάντων διὰ τὴν ὑπόνοιαν τοῦ μέλλοντοσ, τοὺσ μὲν ἱππεῖσ καὶ τοὺσ εὐζώνουσ προαπέστειλε, συντάξασ ἐγγίζειν τῇ παρεμβολῇ τῶν ὑπεναντίων καὶ προσακροβολίζεσθαι θρασέωσ, αὐτὸσ δὲ τοὺσ πεζοὺσ ἔχων ἄρτι τῆσ κατὰ τὸν ἥλιον ἀνατολῆσ ἐπιφαινομένησ προῆγε, καὶ παραγενόμενοσ εἰσ μέσον τὸ πεδίον παρενέβαλε, τάττων ἐναντίωσ ἢ πρόσθεν·

μέσουσ μὲν γὰρ ἐτίθει τοὺσ Ἴβηρασ, ἐπὶ δὲ τῶν κεράτων τὰ τῶν Ῥωμαίων.

τοῖσ δὲ Καρχηδονίοισ, ἄφνω συνεγγιζόντων πρὸσ τὸν χάρακα τῶν ἱππέων, ἅμα δὲ καὶ τῆσ ἄλλησ δυνάμεωσ ἐκταττομένησ ἐν ὄψει, μόλισ ἐδόθη καιρὸσ εἰσ τὸ καθοπλίσασθαι.

διόπερ ἠναγκάσθησαν οἱ περὶ τὸν Ἀσδρούβαν ἔτι νήστεισ ἔχοντεσ τοὺσ ἄνδρασ ἀπαρασκεύωσ ἐκ τοῦ καιροῦ τοὺσ μὲν ἱππεῖσ καὶ τοὺσ εὐζώνουσ ἐπαφιέναι τοῖσ ἱππεῦσι τῶν ὑπεναντίων εἰσ τὰ πεδία, τὰσ δὲ πεζικὰσ δυνάμεισ παρατάττειν, οὐ πολὺ τῆσ παρωρείασ ἐν τοῖσ ἐπιπέδοισ ποιούμενοι τὴν ἔκταξιν, καθάπερ ἦν ἔθοσ αὐτοῖσ.

ἑώσ μὲν οὖν τινοσ ἔμενον οἱ Ῥωμαῖοι τὴν ἡσυχίαν ἔχοντεσ·

τὸ τηνικαῦτα δὲ διαδεξάμενοσ ὁ Πόπλιοσ διὰ τῶν διαστημάτων ἐν ταῖσ σημαίαισ εἴσω τοὺσ ἀκροβολιζομένουσ, καὶ μερίσασ ἐφ’ ἑκάτερον κέρασ ὀπίσω τῶν παρατεταγμένων, πρῶτον μὲν τοὺσ γροσφομάχουσ, ἐπὶ δὲ τούτοισ ἐπιβάλλει τοὺσ ἱππεῖσ, τὰσ μὲν ἀρχὰσ μετωπηδὸν ποιούμενοσ τὴν ἔφοδον·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, chapter 22

(폴리비오스, Histories, book 11, chapter 22)

상위

목록

SEARCH

MENU NAVIGATION