헬라어 문장 검색 - ΠολψβίΗιστορί11́019́

(폴리비오스, Histories, book 11, chapter 18)

Ὁ δὲ Φιλοποίμην, ἐπιγνοὺσ τὸν Μαχανίδαν ἀπό τε τῆσ πορφυρίδοσ καὶ τοῦ περὶ τὸν ἵππον κόσμου, τοὺσ μὲν περὶ τὸν Ἀναξίδαμον ἀπολείπει, παρακαλέσασ τηρεῖν ἐπιμελῶσ τὴν δίοδον καὶ μηδενὸσ φείδεσθαι τῶν μισθοφόρων διὰ τὸ τούτουσ εἶναι τοὺσ συναύξοντασ αἰεὶ τὰσ ἐν τῇ Σπάρτῃ τυραννίδασ· αὐτὸσ δὲ παραλαβὼν Πολύαινον τὸν Κυπαρισσέα καὶ Σιμίαν, οἷσ ἐχρῆτο τότε παρασπισταῖσ, ἐκ τοῦ πέραν τῆσ τάφρου τὴν ἀντιπαραγωγὴν ἐποιεῖτο τῷ τυράννῳ καὶ τοῖσ μετ’ αὐτοῦ·

δύο γὰρ ἦσαν οἱ τότε τῷ Μαχανίδᾳ συμμίξαντεσ, Ἀρηξίδαμοσ καὶ τῶν μισθοφόρων εἷσ.

ἅμα δὲ τῷ τὸν Μαχανίδαν κατά τινα τόπον εὔβατον τῆσ τάφρου, προσθέντα τοὺσ μύωπασ, βίᾳ τὸν ἵππον ἐπάγειν καὶ διαπερᾶν, συναγαγὼν ἐκ μεταβολῆσ ὁ Φιλοποίμην αὐτῷ καὶ πατάξασ τῷ δόρατι καιρίωσ, καὶ προσενεγκὼν τῷ σαυρωτῆρι πληγὴν ἄλλην ἐκ διαλήψεωσ, ἐν χειρῶν νόμῳ διέφθειρε τὸν τύραννον.

τὸ δὲ παραπλήσιον ἐγίνετο καὶ περὶ τὸν Ἀρηξίδαμον ὑπὸ τῶν παρίππων.

ὁ δὲ τρίτοσ ἀπογνοὺσ τὴν διάβασιν διέφυγε τὸν κίνδυνον κατὰ τὸν τῶν προειρημένων φόνον. σπεύδοντεσ ἐπιδεῖξαι τοῖσ ὄχλοισ τὴν ἀπώλειαν τοῦ τῶν ὑπεναντίων ἡγεμόνοσ χάριν τοῦ πιστεύσαντασ ἔτι μᾶλλον ἀνυπόπτωσ καὶ τεθαρρηκότωσ ποιήσασθαι τὸν ἐπιδιωγμὸν τῶν ὑπεναντίων ἑώσ τῆσ Τεγεατῶν πόλεωσ.

ὃ καὶ μεγάλα συνεβάλετο πρὸσ τὴν ὁρμὴν τῶν ὄχλων·

οὐ γὰρ ἥκιστα διὰ τούτων τῆσ μὲν Τεγέασ ἐξ ἐφόδου κύριοι κατέστησαν, ταῖσ δ’ ἐχομέναισ παρὰ τὸν Εὐρώταν ἐστρατοπέδευον, κρατοῦντεσ ἤδη τῶν ὑπαίθρων ἀναμφισβητήτωσ. τῶν μὲν ἰδίων οὐ πολλοὺσ ἀπολωλεκότεσ ἐν τῇ μάχῃ, τῶν δὲ Λακεδαιμονίων ἀπεκτακότεσ μὲν οὐκ ἐλάττουσ τῶν τετρακισχιλίων, ζωγρίᾳ δ’ εἰληφότεσ ἔτι πλείουσ τούτων, ὁμοίωσ δὲ καὶ τῆσ ἀποσκευῆσ κεκυριευκότεσ ἁπάσησ καὶ τῶν ὅπλων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, chapter 18

(폴리비오스, Histories, book 11, chapter 18)

상위

목록

SEARCH

MENU NAVIGATION