헬라어 문장 검색 - ΠολψβίΗιστορί11́011́

(폴리비오스, Histories, book 11, chapter 10)

Οὕτωσ εἷσ λόγοσ εὐκαίρωσ ῥηθεὶσ ὑπ’ ἀνδρὸσ ἀξιοπίστου πολλάκισ οὐ μόνον ἀποτρέπει τῶν χειρίστων, ἀλλὰ καὶ παρορμᾷ πρὸσ τὰ κάλλιστα τοὺσ ἀνθρώπουσ. ὅταν δὲ καὶ τὸν ἴδιον βίον ἀκόλουθον εἰσφέρηται τοῖσ εἰρημένοισ ὁ παρακαλῶν, ἀνάγκη λαμβάνειν τὴν πρώτην πίστιν τὴν παραίνεσιν.

ὃ δὴ περὶ ἐκεῖνον τὸν ἄνδρα μάλιστ’ ἄν τισ ἴδοι γινόμενον. κατά τε γὰρ τὴν ἐσθῆτα καὶ τὴν σίτησιν ἀφελὴσ καὶ λιτὸσ ἦν, ὁμοίωσ δὲ καὶ περὶ τὰσ τοῦ σώματοσ θεραπείασ, ἔτι δὲ καὶ τὰσ ἐντεύξεισ, εὐπερίκοπτοσ καὶ ἀνεπίφθονοσ·

περί γε μὴν τοῦ παρ’ ὅλον τὸν βίον ἀληθεύειν μεγίστην ἐποιήσατο σπουδήν.

τοιγάρτοι βραχέα καὶ τὰ τυχόντ’ ἀποφαινόμενοσ μεγάλην ἐγκατέλειπε πίστιν τοῖσ ἀκούουσι· παράδειγμα γὰρ ἐν πᾶσι τὸν ἴδιον βίον εἰσφερόμενοσ οὐ πολλῶν ἐποίει προσδεῖσθαι λόγων τοὺσ ἀκούοντασ.

διὸ καὶ πολλάκισ λόγουσ μακροὺσ καὶ δοκοῦντασ ὑπὸ τῶν ἀντιπολιτευομένων δεόντωσ εἰρῆσθαι δι’ ὀλίγων ῥημάτων τῇ πίστει καὶ ταῖσ ἐννοίαισ τῶν πραγμάτων ὁλοσχερῶσ ἐξέβαλε.

Πλὴν τότε συντελεσθέντοσ τοῦ διαβουλίου πάντεσ ἐπανῆγον ἐπὶ τὰσ πόλεισ, τά τε ῥηθέντα καὶ τὸν ἄνδρα διαφερόντωσ ἀποδεδεγμένοι, καὶ νομίζοντεσ οὐδ’ ἂν παθεῖν οὐδὲν δεινὸν ἐκείνου προεστῶτοσ.

ὁ δὲ Φιλοποίμην εὐθέωσ ἐπεπορεύετο τὰσ πόλεισ, ἐνεργῶσ καὶ μετὰ σπουδῆσ ποιούμενοσ τὴν ἔφοδον.

κἄπειτα συναγαγὼν τοὺσ ὄχλουσ ἅμα μὲν ἐγύμναζεν ἅμα δὲ συνέταττε καὶ τέλοσ οὐδ’ ὅλουσ ὀκτὼ μῆνασ χρησάμενοσ τῇ τοιαύτῃ παρασκευῇ καὶ μελέτῃ συνῆγε τὰσ δυνάμεισ εἰσ Μαντίνειαν, διαγωνιούμενοσ πρὸσ τὸν τύραννον ὑπὲρ τῆσ ἁπάντων Πελοποννησίων ἐλευθερίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, chapter 10

(폴리비오스, Histories, book 11, chapter 10)

상위

목록

SEARCH

MENU NAVIGATION