헬라어 문장 검색 - ΠολψβίΗιστορί11́010́

(폴리비오스, Histories, book 11, chapter 9)

Μεγάλα μὲν γὰρ ἔφη τὴν λαμπρότητα συμβάλλεσθαι πρὸσ ἔκπληξιν τῶν ὑπεναντίων, πολλὰ δὲ συνεργεῖν τὴν ἐκ τῆσ ἐπισκευῆσ ἁρμογὴν τῶν ὅπλων εἰσ τὴν χρείαν. γίνεσθαι δ’ ἂν μάλιστα τὸ δέον, εἰ τὴν μὲν ἐπιμέλειαν, ἣν νῦν ποιοῦνται περὶ τὸν ἱματισμόν, ταύτην ποιήσαιντο περὶ τῶν ὅπλων, τὴν δὲ πρότερον ὀλιγωρίαν περὶ τῶν ὅπλων παρ’ αὐτοῖσ ὑπάρχουσαν, ταύτην μετενέγκαιεν ἐπὶ τὰσ ἐσθῆτασ·

οὕτωσ γὰρ ἅμα τούσ τε κατ’ ἰδίαν βίουσ ὠφελήσεσθαι καὶ τὰ κοινὰ πράγμαθ’ ὁμολογουμένωσ αὐτοὺσ δυνήσεσθαι σῴζειν.

ὅταν δὲ τὴν ἀσπίδα καὶ τὸν θώρακα καὶ τὸ κράνοσ διαλαμβάνῃ, περιβλέπειν ἵνα τῆσ χλαμύδοσ καὶ τοῦ χιτῶνοσ καθαρειότερα ταῦθ’ ὑπάρχῃ καὶ πολυτελέστερα·

παρ’ οἷσ γὰρ τὰ πρὸσ ἐπιφάνειαν αἱρετώτερά [ἐστι] τῶν πρὸσ τὴν χρείαν, παρὰ τούτοισ αὐτόθεν εὐθέωσ προφανὲσ εἶναι τὸ συμβησόμενον ἐν τοῖσ κινδύνοισ.

καθόλου δ’ ἠξίου διαλαμβάνειν ὡσ ὁ μὲν ἐν τοῖσ ἱματίοισ καλλωπισμὸσ γυναικόσ ἐστι, καὶ ταύτησ οὐ λίαν σώφρονοσ, ἡ δ’ ἐν τοῖσ ὅπλοισ πολυτέλεια καὶ σεμνότησ ἀνδρῶν ἀγαθῶν, προαιρουμένων ἑαυτοὺσ καὶ τὰσ πατρίδασ ἐνδόξωσ σῴζειν.

ἔτι δὲ μᾶλλον ἐν ταῖσ ἐξοπλισίαισ καὶ στρατείαισ παρετήρουν σφᾶσ αὐτοὺσ ἐν τοῖσ προειρημένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, chapter 9

(폴리비오스, Histories, book 11, chapter 9)

상위

목록

SEARCH

MENU NAVIGATION