헬라어 문장 검색 - ΠολψβίΗιστορί11́007́

(폴리비오스, Histories, book 11, chapter 6)

λων ἅπασι τοῖσ Ἕλλησιν; λοιπὸν ὅτι πάσῃ τῇ δυνάμει τὴν ὁρμὴν ἐπὶ τοὺσ κατὰ τὴν Ἑλλάδα τόπουσ ποιήσονται, λόγῳ μὲν Αἰτωλοῖσ βοηθήσοντεσ κατὰ Φιλίππου, τῇ δ’ ἀληθείᾳ πᾶσαν ὑφ’ ἑαυτοὺσ ποιησόμενοι, καὶ λίαν ὑπολαμβάνω τοῦτ’ εἶναι καταφανέσ.

ἐάν τε καλῶσ προθῶνται ποιεῖν Ῥωμαῖοι κυριεύσαντεσ, ἐκείνων ἔσεσθαι καὶ τὴν χάριν καὶ τὴν ἐπιγραφήν, ἐάν τε κακῶσ, τῶν αὐτῶν ὑπάρξειν καὶ τὰσ ὠφελείασ ἐκ τῶν ἀπολλυμένων καὶ τὴν ἐξουσίαν τῶν σῳζομένων.

ὑμεῖσ δὲ τότε τοὺσ θεοὺσ ἐπικαλέσεσθε μάρτυρασ, ὅταν μήτε τῶν θεῶν βούληται μήτε τῶν ἀνθρώπων ἔτι δύνηται βοηθεῖν ὑμῖν μηδείσ.

Ἴσωσ μὲν οὖν ἐξ ἀρχῆσ ἔδει πάντα προορᾶσθαι· τοῦτο γὰρ ἦν ὑμῖν πρέπον·

ἐπειδὴ δὲ πολλὰ διαφεύγει τῶν μελλόντων τὴν ἀνθρωπίνην πρόνοιαν, νῦν γε δέον ἂν εἰή, διὰ τούτων τῶν πραγμάτων συνεωρακότασ τὸ συμβαῖνον, βέλτιον βουλεύεσθαι περὶ τοῦ μέλλοντοσ.

οὐ μὴν ἀλλ’ ἡμεῖσ γε κατὰ τὸ παρὸν οὐδὲν ἀπολελοίπαμεν τῶν ἁρμοζόντων ἢ λέγειν ἢ πράττειν τοῖσ ἀληθινοῖσ φίλοισ, καὶ περὶ τοῦ μέλλοντοσ τὸ δοκοῦν μετὰ παρρησίασ εἰρήκαμεν·

ὑμᾶσ δ’ ἀξιοῦμεν καὶ παρακαλοῦμεν μήθ’ αὑτοῖσ φθονῆσαι μήτε τοῖσ ἄλλοισ Ἕλλησι τῆσ ἐλευθερίασ καὶ τῆσ σωτηρίασ.

αἱρουμένων μὲν τῶν Αἰτωλῶν τὴν εἰρήνην ἑτοίμωσ δέχεσθαι τοὺσ θεοὺσ καὶ τοὺσ πρεσβευτὰσ τοὺσ παρόντασ ἀπὸ τῆσ Ἑλλάδοσ ἐπιμαρτυραμένουσ χωρίζεσθαι διότι τῶν μετὰ ταῦτα συμβησομένων τοῖσ Ἕλλησιν Αἰτωλούσ, ἀλλ’ οὐ Φίλιππον αἴτιον δεήσει νομίζειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, chapter 6

(폴리비오스, Histories, book 11, chapter 6)

상위

목록

SEARCH

MENU NAVIGATION