헬라어 문장 검색 - ΠολψβίΗιστορί11́005́

(폴리비오스, Histories, book 11, iii. res graeciae)

"Ὅτι μὲν οὔτε Πτολεμαῖοσ ὁ βασιλεὺσ οὔθ’ ἡ τῶν Ῥοδίων πόλισ οὔθ’ ἡ τῶν Βυζαντίων καὶ Χίων καὶ Μυτιληναίων ἐν παρέργῳ τίθενται τὰσ ὑμετέρασ, ὦ ἄνδρεσ Αἰτωλοί, διαλύσεισ, ἐξ αὐτῶν τῶν πραγμάτων ὑπολαμβάνω τοῦτ’ εἶναι συμφανέσ. κατὰ μὲν τὸ παρὸν τῆσ ὑμετέρασ καὶ Μακεδόνων στοχαζόμενοι καταφθορᾶσ, πρὸσ δὲ τὸ μέλλον καὶ περὶ τῶν σφετέρων πατρίδων καὶ περὶ τῶν ἄλλων Ἑλλήνων προνοούμενοι.

τὸν αὐτὸν τρόπον [καὶ] ὁ πόλεμοσ ὑπό τινων ὅταν ἅπαξ ἐκκαυθῇ, τοτὲ μὲν αὐτοὺσ τούτουσ πρώτουσ ἀπόλλυσι, ποτὲ δὲ φέρεται φθείρων ἀδίκωσ πᾶν τὸ παραπεσόν, αἰεὶ καινοποιούμενοσ καὶ προσφυσώμενοσ, ὥσπερ ὑπ’ ἀνέμων, ὑπὸ τῆσ τῶν πλησιαζόντων ἀγνοίασ.

διόπερ, ὦ ἄνδρεσ Αἰτωλοί, νομίσαντεσ καὶ τοὺσ νησιώτασ πανδημεὶ καὶ τοὺσ τὴν Ἀσίαν κατοικοῦντασ Ἕλληνασ παρόντασ ὑμῶν δεῖσθαι τὸν μὲν πόλεμον ἆραι, τὴν δ’ εἰρήνην ἑλέσθαι, διὰ τὸ καὶ πρὸσ σφᾶσ ἀνήκειν τὰ γινόμενα, σωφρονήσαντεσ ἐντράπητε καὶ πείσθητε τοῖσ παρακαλουμένοισ.

καὶ γὰρ εἰ κατά τινα τύχην ἐπολεμεῖτε πόλεμον ἀλυσιτελῆ μέν, ἐπειδὴ παντὶ πολέμῳ τοῦτο παρέπεται κατὰ τὸ πλεῖστον, ἔνδοξον δὲ καὶ κατὰ τὴν ἐξ ἀρχῆσ ὑπόθεσιν καὶ κατὰ τὴν τῶν ἀποβαινόντων ἐπιγραφήν, ἴσωσ ἄν τισ ὑμῖν ἔσχε συγγνώμην, φιλοτίμωσ διακειμένοισ.

εἰ δὲ πάντων αἴσχιστον καὶ πολλῆσ ἀδοξίασ πλήρη καὶ βλασφημίασ, ἆρ’ οὐ μεγάλησ προσδεῖται τὰ πράγματ’ ἐπιστάσεωσ;

ῥηθήσεται γὰρ τὸ δοκοῦν μετὰ παρρησίασ·

ὑμεῖσ δ’, ἂν εὖ φρονῆτε, μεθ’ ἡσυχίασ ἀνέξεσθε. πολλῷ γάρ ἐστιν ἄμεινον ὀνειδισθέντασ ἐν καιρῷ σωθῆναι μᾶλλον ἢ πρὸσ χάριν ἀκούσαντασ μετ’ ὀλίγον ἀπολέσθαι μὲν αὐτούσ, ἀπολέσαι δὲ καὶ τοὺσ λοιποὺσ Ἕλληνασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 11, iii. res graeciae

(폴리비오스, Histories, book 11, iii. res graeciae)

상위

목록

SEARCH

MENU NAVIGATION