헬라어 문장 검색 - ΠολψβίΗιστορί03́060́

(폴리비오스, Histories, book 3, chapter 60)

Τὸ μὲν οὖν πλῆθοσ τῆσ δυνάμεωσ, ὅπερ ἔχων Ἀννίβασ ἐνέβαλεν εἰσ Ἰταλίαν, ἤδη δεδηλώκαμεν. μετὰ δὲ τὴν εἰσβολὴν καταστρατοπεδεύσασ ὑπ’ αὐτὴν τὴν παρώρειαν τῶν Ἄλπεων τὰσ μὲν ἀρχὰσ ἀνελάμβανε τὰσ δυνάμεισ.

οὐ γὰρ μόνον ὑπὸ τῶν ἀναβάσεων καὶ καταβάσεων, ἔτι δὲ τραχυτήτων τῶν κατὰ τὰσ ὑπερβολάσ, δεινῶσ τεταλαιπωρήκει τὸ σύμπαν αὐτῷ στρατόπεδον, ἀλλὰ καὶ τῇ τῶν ἐπιτηδείων σπάνει καὶ ταῖσ τῶν σωμάτων ἀθεραπευσίαισ κακῶσ ἀπήλλαττε.

πολλοὶ δὲ καὶ καθυφεῖνθ’ ἑαυτοὺσ ὁλοσχερῶσ διὰ τὴν ἔνδειαν καὶ συνέχειαν τῶν πόνων.

οὔτε γὰρ διακομίζειν εἰσ τοσαύτασ μυριάδασ διὰ τοιούτων τόπων δαψιλῆ τὰ πρὸσ τὴν τροφὴν οἱοῖ́ τ’ ἦσαν, ἅ τε καὶ παρεκόμιζον, ἅμα τῇ τῶν ὑποζυγίων καταφθορᾷ καὶ τούτων τὰ πλεῖστα συναπώλλυτο. διόπερ ὁρμήσασ ἀπὸ τῆσ τοῦ Ῥοδανοῦ διαβάσεωσ, πεζοὺσ μὲν εἰσ ὀκτακισχιλίουσ καὶ τρισμυρίουσ ἔχων ἱππεῖσ δὲ πλείουσ ὀκτακισχιλίων, σχεδόν που τὴν ἡμίσειαν τῆσ δυνάμεωσ, καθάπερ ἐπάνω προεῖπον, ἐν ταῖσ ὑπερβολαῖσ διέφθειρεν.

οἵ γε μὴν σωθέντεσ καὶ ταῖσ ἐπιφανείαισ καὶ τῇ λοιπῇ διαθέσει διὰ τὴν συνέχειαν τῶν προειρημένων πόνων οἱο͂ν ἀποτεθηριωμένοι πάντεσ ἦσαν.

πολλὴν οὖν ποιούμενοσ πρόνοιαν Ἀννίβασ τῆσ ἐπιμελείασ αὐτῶν ἀνεκτᾶτο καὶ τὰσ ψυχὰσ ἅμα καὶ τὰ σώματα τῶν ἀνδρῶν, ὁμοίωσ δὲ καὶ τῶν ἵππων.

μετὰ δὲ ταῦτα, προσανειληφυίασ ἤδη τῆσ δυνάμεωσ, τῶν Ταυρίνων, οἳ τυγχάνουσι πρὸσ τῇ παρωρείᾳ κατοικοῦντεσ, στασιαζόντων μὲν πρὸσ τοὺσ Ἴνσομβρασ ἀπιστούντων δὲ τοῖσ Καρχηδονίοισ, τὸ μὲν πρῶτον αὐτοὺσ εἰσ φιλίαν προυκαλεῖτο καὶ συμμαχίαν·

οὐχ ὑπακουόντων δὲ περιστρατοπεδεύσασ τὴν βαρυτάτην πόλιν ἐν τρισὶν ἡμέραισ ἐξεπολιόρκησεν.

κατασφάξασ δὲ τοὺσ ἐναντιωθέντασ αὐτῷ τοιοῦτον ἐνειργάσατο φόβον τοῖσ σύνεγγυσ κατοικοῦσιν τῶν βαρβάρων ὥστε πάντασ ἐκ χειρὸσ παραγίνεσθαι, διδόντασ αὑτοὺσ εἰσ τὴν πίστιν.

τὸ δὲ λοιπὸν πλῆθοσ τῶν τὰ πεδία κατοικούντων Κελτῶν ἐσπούδαζε μὲν κοινωνεῖν τοῖσ Καρχηδονίοισ τῶν πραγμάτων κατὰ τὴν ἐξ ἀρχῆσ ἐπιβολήν·

παρηλλαχότων δὲ τῶν Ῥωμαϊκῶν στρατοπέδων ἤδη τοὺσ πλείστουσ αὐτῶν καὶ διακεκλεικότων, ἡσυχίαν ἦγον·

τινὲσ δὲ καὶ συστρατεύειν ἠναγκάζοντο τοῖσ Ῥωμαίοισ. εἰσ ἃ βλέπων Ἀννίβασ ἔκρινε μὴ μέλλειν ἀλλὰ προάγειν εἰσ τοὔμπροσθεν καὶ πράττειν τι πρὸσ τὸ θαρρῆσαι τοὺσ βουλομένουσ μετέχειν σφίσι τῶν αὐτῶν ἐλπίδων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 3, chapter 60

(폴리비오스, Histories, book 3, chapter 60)

상위

목록

SEARCH

MENU NAVIGATION