헬라어 문장 검색 - Πλυταρ́Τιμολεό39́

(플루타르코스, Timoleon, chapter 38)

ἐκεῖνον μὲν οὖν αὐτὸν ὑπομείναντα τὴν συμφορὰν ἀλύπωσ ἧττον ἄν τισ θαυμάσειε· τῶν δὲ Συρακουσίων ἄξιον ἄγασθαι τὴν πρὸσ τὸν ἄνδρα τιμὴν καὶ χάριν ἣν ἐπεδείξαντο πεπηρωμένῳ, φοιτῶντεσ ἐπὶ θύρασ αὐτοὶ καὶ τῶν ξένων τοὺσ παρεπιδημοῦντασ ἄγοντεσ εἰσ τὴν οἰκίαν καὶ τὸ χωρίον, ὅπωσ θεάσαιντο τὸν εὐεργέτην αὑτῶν, ἀγαλλόμενοι καὶ μέγα φρονοῦντεσ ὅτι παρ’ αὐτοῖσ εἵλετο καταζῆσαι τὸν βίον, οὕτω λαμπρᾶσ ἐπανόδου τῆσ εἰσ τὴν Ἑλλάδα παρεσκευασμένησ αὐτῷ διὰ τῶν εὐτυχημάτων καταφρονήσασ. πολλῶν δὲ καὶ μεγάλων εἰσ τὴν ἐκείνου τιμὴν γραφομένων καὶ πραττομένων οὐδενὸσ ἧττον ἦν τὸ ψηφίσασθαι τὸν τῶν Συρακουσίων δῆμον, ὁσάκισ συμπέσοι πόλεμοσ αὐτοῖσ πρὸσ ἀλλοφύλουσ, Κορινθίῳ χρῆσθαι στρατηγῷ.

καλὴν δὲ καὶ τὸ περὶ τὰσ ἐκκλησίασ γινόμενον ὄψιν εἰσ τιμὴν αὐτοῦ παρεῖχε· τὰ γὰρ ἄλλα δι’ αὑτῶν κρίνοντεσ ἐπὶ τὰσ μείζονασ διασκέψεισ ἐκεῖνον ἐκάλουν. ὁ δὲ κομιζόμενοσ δι’ ἀγορᾶσ ἐπὶ ζεύγουσ πρὸσ τὸ θέατρον ἐπορεύετο καὶ τῆσ ἀπήνησ, ὥσπερ ἐτύγχανε καθήμενοσ, εἰσαγομένησ, ὁ μὲν δῆμοσ ἠσπάζετο μιᾷ φωνῇ προσαγορεύων αὐτόν, ὁ δ’ ἀντασπασάμενοσ καὶ χρόνον τινὰ δοὺσ ταῖσ εὐφημίαισ καὶ τοῖσ ἐπαίνοισ, εἶτα διακούσασ τὸ ζητούμενον, ἀπεφαίνετο γνώμην.

ἐπιχειροτονηθείσησ δὲ ταύτησ οἱ μὲν ὑπηρέται πάλιν ἀπῆγον διὰ τοῦ θεάτρου τὸ ζεῦγοσ, οἱ δὲ πολῖται βοῇ καὶ κρότῳ προπέμψαντεσ ἐκεῖνον ἤδη τὰ λοιπὰ τῶν δημοσίων καθ’ αὑτοὺσ ἐχρημάτιζον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Timoleon, chapter 38

(플루타르코스, Timoleon, chapter 38)

상위

목록

SEARCH

MENU NAVIGATION