헬라어 문장 검색 - Πλυταρ́Τιμολεό28́

(플루타르코스, Timoleon, chapter 27)

τὸ μὲν οὖν ἔτοσ ἱσταμένου θέρουσ εἶχεν ὡρ́αν, καὶ λήγοντι μηνὶ Θαργηλιῶνι πρὸσ τὰσ τροπὰσ ἤδη συνῆπτε τὸν καιρόν· ὁμίχλην δὲ τοῦ ποταμοῦ πολλὴν ἀναδιδόντοσ πρῶτον μὲν ἀπεκρύπτετο ζόφῳ τὸ πεδίον, καὶ σύνοπτον οὐδὲν ἦν ἀπὸ τῶν πολεμίων, πλὴν ἠχή τισ ἄκριτοσ καὶ συμμιγὴσ ἄνω πρὸσ τὸν λόφον ἐχώρει πρόσωθεν ἀνισταμένησ στρατιᾶσ τοσαύτησ. ὡσ δ’ ἀναβάντεσ ἐπὶ τὸν λόφον ἔστησαν οἱ Κορίνθιοι καὶ θέμενοι τὰσ ἀσπίδασ διανεπαύοντο, τοῦ ἡλίου περιφερομένου καὶ μετεωρίζοντοσ τὴν ἀναθυμίασιν, ὁ μὲν θολερὸσ ἀὴρ ἀθροιζόμενοσ πρὸσ τὰ ὑψηλὰ καὶ συνιστάμενοσ κατενέφωσε τὰσ ἀκρωρείασ, τῶν δὲ ὑπὸ πόδασ τόπων ἀνακαθαιρομένων ὅ τε Κρίμησοσ ἐξεφάνη καὶ διαβαίνοντεσ αὑτὸν ὤφθησαν οἱ πολέμιοι, πρώτοισ μὲν τοῖσ τεθρίπποισ ἐκπληκτικῶσ πρὸσ ἀγῶνα κατεσκευασμένοισ, κατόπιν δὲ τούτων μυρίοισ ὁπλίταισ λευκάσπισι.

τούτουσ ἐτεκμαίροντο Καρχηδονίουσ εἶναι τῇ λαμπρότητι τῆσ σκευῆσ καὶ τῇ βραδυτῆτι καὶ τάξει τῆσ πορείασ, μετὰ δὲ τούτουσ τῶν λοιπῶν ἐθνῶν ἐπιρρεόντων καὶ τὴν διάβασιν μετ’ ὠθισμοῦ καὶ ταραχῆσ ποιουμένων, συνιδὼν ὁ Τιμολέων τὸν ποταμὸν αὐτοῖσ ταμιεύοντα τοῦ πλήθουσ τῶν πολεμίων ἀπολαβεῖν ὅσοισ ἐθέλοιεν αὐτοὶ μάχεσθαι, καὶ τοὺσ στρατιώτασ καθορᾶν κελεύσασ τὴν φάλαγγα τῷ ῥείθρῳ διαλελυμένην καὶ τοὺσ μὲν ἤδη διαβεβηκότασ, τοὺσ δὲ μέλλοντασ, προσέταξε Δημαρέτῳ λαβόντι τοὺσ ἱππεῖσ ἐμβαλεῖν εἰσ τοὺσ Καρχηδονίουσ καὶ συνταράξαι τὸν διάκοσμον αὐτῶν τῆσ παρατάξεωσ οὔπω καθεστώσησ.

τὸ τῶν ἱππέων ἀποθεωρῶν ἔργον, ὡσ δὲ ἐκείνουσ εἶδεν ὑπὸ τῶν ἁρμάτων πρὸ τῆσ τάξεωσ διαθεόντων εἰσ χεῖρασ ἐλθεῖν τοῖσ Καρχηδονίοισ οὐ δυναμένουσ, ἀλλ’ ὅπωσ μὴ συνταραχθεῖεν ἀναγκαζομένουσ ἐξελίττειν συνεχῶσ καὶ πυκνὰσ ἐξ ἐπιστροφῆσ ποιεῖσθαι τὰσ ἐπελάσεισ, ἀναλαβὼν τὴν ἀσπίδα καὶ βοήσασ ἕπεσθαι καὶ θαρρεῖν τοῖσ πεζοῖσ ἔδοξεν ὑπερφυεῖ φωνῇ καὶ μείζονι κεχρῆσθαι τῆσ συνήθουσ, εἴτε τῷ πάθει παρὰ τὸν ἀγῶνα καὶ τὸν ἐνθουσιασμὸν οὕτω διατεινάμενοσ, εἴτε δαιμονίου τινόσ, ὡσ τοῖσ πολλοῖσ τότε παρέστη, συνεπιφθεγξαμένου.

ταχὺ δὲ τὴν κραυγὴν ἀνταποδόντων, καὶ παρεγγυώντων ἄγειν καὶ μὴ μέλλειν, τοῖσ μὲν ἱππόταισ ἐσήμανεν ἔξω παρὰ τὴν τάξιν τῶν ἁρμάτων παρελάσαι καὶ κατὰ κέρασ προσφέρεσθαι τοῖσ πολεμίοισ, αὐτὸσ δὲ τοὺσ προμάχουσ πυκνώσασ τῷ συνασπισμῷ, καὶ τὴν σάλπιγγα κελεύσασ ἐπιφθέγξασθαι, προσέβαλε τοῖσ Καρχηδονίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Timoleon, chapter 27

(플루타르코스, Timoleon, chapter 27)

상위

목록

SEARCH

MENU NAVIGATION