헬라어 문장 검색 - Πλυταρ́ΦαβιυσΜ́14́

(플루타르코스, Fabius Maximus, chapter 14)

ἐκ τούτου Φάβιοσ μὲν ἀπέθετο τὴν ἀρχήν, ὕπατοι δ’ αὖθισ ἀπεδείκνυντο. καὶ τούτων οἱ μὲν πρῶτοι διεφύλαξαν ἣν ἐκεῖνοσ ἰδέαν τοῦ πολέμου κατέστησε, μάχεσθαι μὲν ἐκ παρατάξεωσ φεύγοντεσ πρὸσ Ἀννίβαν, τοῖσ δὲ συμμάχοισ ἐπιβοηθοῦντεσ καὶ τὰσ ἀποστάσεισ κωλύοντεσ· Τερέντιοσ δὲ Βάρρων εἰσ τὴν ὑπατείαν προαχθεὶσ ἀπὸ γένουσ ἀσήμου, βίου δὲ διὰ δημοκοπίαν καὶ προπέτειαν ἐπισήμου, δῆλοσ ἦν εὐθὺσ ἀπειρίᾳ καὶ θρασύτητι τὸν περὶ τῶν ὅλων ἀναρρίψων κύβον. ἐβόα γὰρ ἐν ταῖσ ἐκκλησίαισ μενεῖν τὸν πόλεμον ἄχρι οὗ Φαβίοισ χρῆται στρατηγοῖσ ἡ πόλισ, αὐτὸσ δὲ τῆσ αὐτῆσ ἡμέρασ ὄψεσθαί τε καὶ νικήσειν τοὺσ πολεμίουσ, ἅμα δὲ τούτοισ τοῖσ λόγοισ συνῆγε καὶ κατέγραφε δύναμιν τηλικαύτην, ἡλίκῃ πρὸσ οὐδένα πώποτε τῶν πολεμίων ἐχρήσαντο Ῥωμαῖοι.

μυριάδεσ γὰρ ἐννέα δισχιλίων ἀνδρῶν δέουσαι συνετάχθησαν εἰσ τὴν μάχην, μέγα δέοσ Φαβίῳ καὶ τοῖσ νοῦν ἔχουσι Ῥωμαίων οὐ γὰρ ἤλπιζον ἕξειν ἀναφορὰν τὴν πόλιν ἐν τοσαύτῃ σφαλεῖσαν ἡλικίᾳ. διὸ καὶ τὸν συνάρχοντα τοῦ Τερεντίου Παῦλον Αἰμίλιον, ἄνδρα πολλῶν πολέμων ἔμπειρον, οὐκ ἀρεστὸν δὲ τῷ δήμῳ καὶ καταπλῆγα ἔκ τινοσ καταδίκησ πρὸσ τὸ δημόσιον αὐτῷ γεγενημένησ, ἀνίστη καὶ παρεθάρρυνεν ἐπιλαμβάνεσθαι τῆσ ἐκείνου μανίασ, διδάσκων ὡσ οὐ πρὸσ Ἀννίβαν αὐτῷ μᾶλλον ἢ πρὸσ Τερέντιον ὑπὲρ τῆσ πατρίδοσ ὁ ἀγὼν ἔσοιτο σπεύδειν γὰρ μάχην γενέσθαι τὸν μὲν οὐκ αἰσθανόμενον τῆσ δυνάμεωσ, τὸν δ’ αἰσθανόμενον τῆσ περὶ αὑτὸν ἀσθενείασ.

"ὦ Παῦλε, Τερεντίου πιστεύεσθαι δικαιότερόσ εἰμι περὶ τῶν Ἀννίβου πραγμάτων διαβεβαιούμενοσ ὡσ, εἰ μηδεὶσ αὐτῷ μαχεῖται τοῦτον τὸν ἐνιαυτόν, ἀπολεῖται μένων ὁ ἀνὴρ ἢ φεύγων ἄπεισιν, ᾧ γε καὶ νῦν νικᾶν καὶ κρατεῖν δοκοῦντι τῶν μὲν πολεμίων οὐδεὶσ προσκεχώρηκε, τῆσ δ’ οἴκοθεν δυνάμεωσ οὐδ’ ἡ τρίτη μοῖρα πάνυ περίεστι.

"ἐμοὶ μὲν, ὦ Φάβιε, τὰ ἐμαυτοῦ σκοποῦντι κρεῖττόν ἐστι τοῖσ τῶν πολεμίων ὑποπεσεῖν δόρασιν ἢ πάλιν ταῖσ ψήφοισ τῶν πολιτῶν εἰ δ’ οὕτωσ ἔχει τὰ δημόσια πράγματα, πειράσομαι μᾶλλον σοὶ δοκεῖν ἀγαθὸσ εἶναι στρατηγὸσ ἢ πᾶσι τοῖσ ἄλλοισ ἐπὶ τἀναντία βιαζομένοισ.

ταύτην ἔχων τὴν προαίρεσιν ὁ Παῦλοσ ἐξῆλθεν ἐπὶ τὸν πόλεμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Fabius Maximus, chapter 14

(플루타르코스, Fabius Maximus, chapter 14)

상위

목록

SEARCH

MENU NAVIGATION