헬라어 문장 검색 - Πλυταρ́ΦαβιυσΜ́13́

(플루타르코스, Fabius Maximus, chapter 13)

μετὰ δὲ τὴν μάχην Φάβιοσ μὲν ὅσουσ ἔκτεινε τῶν πολεμίων σκυλεύσασ ἀνεχώρησεν, οὐδὲν ὑπερήφανον οὐδ’ ἐπαχθὲσ εἰπὼν περὶ τοῦ συνάρχοντοσ· "συστρατιῶται, τὸ μ̣ "ὲν ἁμαρτεῖν μηδὲν ἐν πράγμασι μεγάλοισ μεῖζον ἢ κατ’ ἄνθρωπόν ἐστι, τὸ δ’ ἁμαρτόντα χρήσασθαι τοῖσ πταίσμασι διδάγμασι πρὸσ τὸ λοιπὸν ἀνδρὸσ ἀγαθοῦ καὶ νοῦν ἔχοντοσ, ἐγὼ μὲν οὖν ὁμολογῶ μικρὰ μεμφόμενοσ τὴν τύχην περὶ μειζόνων ἐπαινεῖν. ἃ γὰρ οὐκ ᾐσθόμην χρόνον τοσοῦτον, ἡμέρασ μέρει μικρῷ πεπαίδευμαι, γνοὺσ ἐμαυτὸν οὐκ ἄρχειν ἑτέρων δυνάμενον, ἀλλ’ ἄρχοντοσ ἑτέρου δεόμενον καὶ φιλοτιμούμενον νικᾶν ὑφ’ ὧν ἡττᾶσθαι κάλλιον. "ὑμῖν δὲ τῶν μὲν ἄλλων ἐστὶν ἄρχων ὁ δικτάτωρ, τῆσ δὲ πρὸσ ἐκεῖνον εὐχαριστίασ αὐτὸσ ἡγεμὼν ἔσομαι, πρῶτον ἐμαυτὸν εὐπειθῆ καὶ ποιοῦντα τὸ κελευόμενον ὑπ’ ἐκείνου παρεχόμενοσ. ταῦτ’ εἰπὼν καὶ τοὺσ ἀετοὺσ ἄρασθαι κελεύσασ καὶ πάντασ ἀκολουθεῖν, ἦγε πρὸσ τὸν χάρακα τοῦ Φαβίου.

καὶ παρελθὼν ἐντὸσ ἐβάδιζεν ἐπὶ τὴν στρατηγικὴν σκηνήν, ὥστε θαυμάζειν καὶ διαπορεῖν πάντασ. προελθόντοσ δὲ τοῦ Φαβίου θέμενοσ ἔμπροσθεν τὰσ σημαίασ αὐτὸσ μὲν ἐκεῖνον πατέρα μεγάλῃ φωνῇ, οἱ δὲ στρατιῶται τοὺσ στρατιώτασ πάτρωνασ ἠσπάζοντο. τοῦτο δ’ ἔστι τοῖσ ἀπελευθέροισ προσφώνημα πρὸσ τοὺσ ἀπελευθερώσαντασ. ἡσυχίασ δὲ γενομένησ ὁ Μινούκιοσ εἶπε·

"δύο νίκασ, ὦ δίκτατορ, τῇ σήμερον ἡμέρᾳ νενίκηκασ, ἀνδρείᾳ μὲν Ἀννίβαν, εὐβουλίᾳ δὲ καὶ χρηστότητι τὸν συνάρχοντα· "καὶ δι’ ἧσ μὲν σέσωκασ ἡμᾶσ, δι’ ἧσ δὲ πεπαίδευκασ, ἡττωμένουσ αἰσχρὰν μὲν ἧτταν ὑπ’ ἐκείνου, καλὴν δὲ καὶ σωτήριον ὑπὸ σοῦ. πατέρα δή σε χρηστὸν προσαγορεύω, τιμιωτέραν οὐκ ἔχων προσηγορίαν, ἐπεὶ τῆσ γε τοῦ τεκόντοσ χάριτοσ μείζων ἡ παρὰ σοῦ χάρισ αὕτη. "ἐγεννήθην μὲν γὰρ ὑπ’ ἐκείνου μόνοσ, σῴζομαι δὲ ὑπὸ σοῦ μετὰ τοσούτων" ταῦτ’ εἰπὼν καὶ περιβαλὼν τὸν Φάβιον ἠσπάζετο. τὸ δ’ αὐτὸ καὶ τοὺσ στρατιώτασ ἦν ὁρᾶν πράττοντασ·

ἐνεφύοντο γὰρ ἀλλήλοισ καὶ κατεφίλουν, ὥστε μεστὸν εἶναι χαρᾶσ καὶ δακρύων ἡδίστων τὸ στρατόπεδον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Fabius Maximus, chapter 13

(플루타르코스, Fabius Maximus, chapter 13)

상위

목록

SEARCH

MENU NAVIGATION