헬라어 문장 검색 - Πλυταρ́ΦαβιυσΜ́10́

(플루타르코스, Fabius Maximus, chapter 10)

τὸν δὲ Μινούκιον ἐπὶ τὰσ αὐτὰσ τῷ δικτάτορι πράξεισ ἀποδείξαντεσ ᾤοντο κεκολοῦσθαι καὶ γεγονέναι ταπεινὸν παντάπασιν ἐκεῖνον, οὐκ ὀρθῶσ στοχαζόμενοι τοῦ ἀνδρόσ. οὐ γὰρ αὑτοῦ συμφορὰν ἡγεῖτο τὴν ἐκείνων ἄγνοιαν, ἀλλ’ ὥσπερ Διογένησ ὁ σοφόσ, εἰπόντοσ τινὸσ πρὸσ αὐτόν· μόνουσ ἡγούμενοσ καταγελᾶσθαι τοὺσ ἐνδιδόντασ καὶ πρὸσ τὰ τοιαῦτα διαταραττομένουσ, οὕτω Φάβιοσ ἔφερεν ἀπαθῶσ καὶ ῥᾳδίωσ ὅσον ἐπ’ αὐτῷ τὰ γινόμενα, συμβαλλόμενοσ ἀπόδειξιν τῶν φιλοσόφων τοῖσ ἀξιοῦσι μήτε ὑβρίζεσθαι μήτε ἀτιμοῦσθαι τὸν ἀγαθὸν ἄνδρα καὶ σπουδαῖον. ἠνία δ’ αὐτὸν ἡ τῶν πολλῶν ἀβουλία διὰ τὰ κοινά, δεδωκότων ἀφορμὰσ ἀνδρὸσ οὐχ ὑγιαινούσῃ φιλοτιμίᾳ πρὸσ τὸν πόλεμον.

καὶ δεδοικὼσ μὴ παντάπασιν ἐκμανεὶσ ὑπὸ κενῆσ δόξησ καὶ ὄγκου φθάσῃ τι κακὸν ἀπεργασάμενοσ, λαθὼν ἅπαντασ ἐξῆλθε καὶ παραγενόμενοσ εἰσ τὸ στρατόπεδον καὶ καταλαβὼν τὸν Μινούκιον οὐκέτι καθεκτόν, ἀλλὰ βαρὺν καὶ τετυφωμένον καὶ παρὰ μέροσ ἄρχειν ἀξιοῦντα, τοῦτο μὲν οὐ συνεχώρησε, τὴν δὲ δύναμιν διενείματο πρὸσ αὐτόν, ὡσ μέρουσ μόνοσ ἄρξων βέλτιον ἢ πάντων παρὰ μέροσ, καὶ τὸ μὲν πρῶτον τῶν ταγμάτων καὶ τέταρτον αὐτὸσ ἔλαβε, τὸ δὲ δεύτερον καὶ τρίτον ἐκείνῳ παρέδωκεν, ἐπίσησ καὶ τῶν συμμαχικῶν διανεμηθέντων.

σεμνυνομένου δὲ τοῦ Μινουκίου καὶ χαίροντοσ ἐπὶ τῷ τὸ πρόσχημα τῆσ ἀκροτάτησ καὶ μεγίστησ ἀρχῆσ ὑφεῖσθαι καὶ προπεπηλακίσθαι δι’ αὐτόν, ὑπεμίμνῃσκεν ὁ Φάβιοσ ὡσ οὐκ ὄντοσ μὲν αὐτῷ πρὸσ Φάβιον, ἀλλ’, εἰ σωφρονεῖ, πρὸσ Ἀννίβαν τοῦ ἀγῶνοσ·

εἰ δὲ καὶ πρὸσ τὸν συνάρχοντα φιλονεικεῖ, σκοπεῖν ὅπωσ τοῦ νενικημένου καὶ καθυβρισμένου παρὰ τοῖσ πολίταισ ὁ τετιμημένοσ καὶ νενικηκὼσ οὐ φανεῖται μᾶλλον ὀλιγωρῶν τῆσ σωτηρίασ αὐτῶν καὶ ἀσφαλείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Fabius Maximus, chapter 10

(플루타르코스, Fabius Maximus, chapter 10)

상위

목록

SEARCH

MENU NAVIGATION