헬라어 문장 검색 - Πλυταρ́Διον́42́

(플루타르코스, Dion, chapter 42)

οὕτω δὲ τῶν κατὰ τὴν πόλιν ἐχόντων καὶ τοῦ κινδύνου πρὸσ τὴν Ἀχραδινὴν πλησιάζοντοσ, εἰσ ὃν μόνον ἦν καὶ λοιπὸν ἀπερείσασθαι τὴν ἐλπίδα πάντεσ μὲν ἐφρόνουν, ἔλεγε δὲ οὐδείσ, αἰσχυνόμενοι τὴν ἀχαριστίαν καὶ τὴν ἀβουλίαν τὴν πρὸσ Δίωνα, πλήν γε δὴ τῆσ ἀνάγκησ ἐκβιαζομένησ παρὰ τῶν συμμάχων καὶ τῶν ἱππέων γίνεται φωνὴ καλεῖν Δίωνα καὶ μεταπέμπεσθαι τοὺσ Πελοποννησίουσ ἐκ Λεοντίνων. ὡσ δὲ πρῶτον ἠκούσθη καὶ ἀπετολμήθη τοῦτο, κραυγὴ καὶ χαρὰ καὶ δάκρυα τοὺσ Συρακουσίουσ κατεῖχεν εὐχομένουσ ἐπιφανῆναι τὸν ἄνδρα καὶ ποθοῦντασ τὴν ὄψιν αὐτοῦ καὶ μεμνημένουσ τῆσ παρὰ τὰ δεινὰ ῥώμησ καὶ προθυμίασ, ὡσ οὐ μόνον αὐτὸσ ἦν ἀνέκπληκτοσ, ἀλλὰ κἀκείνουσ παρεῖχε θαρροῦντασ καὶ ἀδεῶσ τοῖσ πολεμίοισ συμφερομένουσ.

εὐθὺσ οὖν ἐκπέμπουσι πρὸσ αὐτὸν ἀπὸ μὲν τῶν συμμάχων Ἀρχωνίδην καὶ Τελεσίδην, ἀπὸ δὲ τῶν ἱππέων πέντε τοὺσ περὶ Ἑλλάνικον.

οὗτοι διελάσαντεσ τὴν ὁδὸν ἵπποισ ἀπὸ ῥυτῆροσ ἧκον εἰσ Λεοντίνουσ τῆσ ἡμέρασ ἤδη καταφερομένησ. ἀποπηδήσαντεσ δὲ τῶν ἵππων καὶ τῷ Δίωνι πρώτῳ προσπεσόντεσ δεδακρυμένοι τὰσ συμφορὰσ τῶν Συρακοσίων ἔφραζον. ἤδη δὲ καὶ τῶν Λεοντίνων τινὲσ ἀπήντων καὶ τῶν Πελοποννησίων ἡθροίζοντο πρὸσ τὸν Δίωνα πολλοί, τῇ σπουδῇ καὶ τῇ δεήσει τῶν ἀνδρῶν ὑπονοοῦντεσ εἶναί τι καινότερον.

εὐθὺσ οὖν ἡγεῖτο πρὸσ τὴν ἐκκλησίαν αὐτοῖσ, καὶ συνδραμόντων προθύμωσ οἱ περὶ τὸν Ἀρχωνίδην καὶ τὸν Ἑλλάνικον εἰσελθόντεσ ἐξήγγειλάν τε βραχέωσ τὸ μέγεθοσ τῶν κακῶν, καὶ παρεκάλουν τοὺσ ξένουσ ἐπαμῦναι τοῖσ Συρακουσίοισ, τὸ μνησικακεῖν ἀφέντασ, ὡσ μείζονα δίκην δεδωκότων αὐτῶν ἢ λαβεῖν ἂν οἱ κακῶσ πεπονθότεσ ἠξίωσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 42

(플루타르코스, Dion, chapter 42)

상위

목록

SEARCH

MENU NAVIGATION