헬라어 문장 검색 - Πλυταρ́Διον́04́

(플루타르코스, Dion, chapter 4)

ταύτησ ἀδελφὸσ ὢν ὁ Δίων ἐν ἀρχῇ μὲν εἶχε τιμὴν ἀπὸ τῆσ ἀδελφῆσ, ὕστερον δὲ τοῦ φρονεῖν διδοὺσ πεῖραν, ἤδη καθ’ ἑαυτὸν ἠγαπᾶτο παρὰ τῷ τυράννῳ, καὶ πρὸσ ἅπασι τοῖσ ἄλλοισ εἴρητο τοῖσ ταμίαισ ὅ τι ἂν αἰτῇ Δίων διδόναι, δόντασ δὲ πρὸσ αὐτὸν αὐθημερὸν φράζειν. ὢν δὲ καὶ πρότερον ὑψηλὸσ τῷ ἤθει καὶ μεγαλόφρων καὶ ἀνδρώδησ, ἔτι μᾶλλον ἐπέδωκε πρὸσ ταῦτα θείᾳ τινὶ τύχῃ Πλάτωνοσ εἰσ Σικελίαν παραβαλόντοσ, κατ’ οὐδένα λογισμὸν ἀνθρώπινον· ἀλλὰ δαίμων τισ, ὡσ ἐοίκε, πόρρωθεν ἀρχὴν ἐλευθερίασ βαλλόμενοσ Συρακουσίοισ, καὶ τυραννίδοσ κατάλυσιν μηχανώμενοσ, ἐκόμισεν ἐξ Ἰταλίασ εἰσ Συρακούσασ Πλάτωνα καὶ Δίωνα συνήγαγεν εἰσ λόγουσ αὐτῷ, νέον μὲν ὄντα κομιδῇ, πολὺ δὲ εὐμαθέστατον ἁπάντων τῶν Πλάτωνι συγγεγονότων καὶ ὀξύτατον ὑπακοῦσαι πρὸσ ἀρετήν, ὡσ αὐτὸσ γέγραφε Πλάτων, καὶ τὰ πράγματα μαρτυρεῖ.

τραφεὶσ γὰρ ἐν ἤθεσιν ὑπὸ τυράννῳ ταπεινοῖσ, καὶ βίου μὲν ἀνίσου καὶ καταφόβου, θεραπείασ δὲ νεοπλούτου καὶ τρυφῆσ ἀπειροκάλου καὶ διαίτησ ἐν ἡδοναῖσ καὶ πλεονεξίαισ τιθεμένησ τὸ καλὸν ἐθὰσ καὶ μεστὸσ γενόμενοσ, ὡσ πρῶτον ἐγεύσατο λόγου καὶ φιλοσοφίασ ἡγεμονικῆσ πρὸσ ἀρετήν, ἀνεφλέχθη τὴν ψυχὴν ταχύ, καὶ τῇ περὶ αὐτὸν εὐπειθείᾳ τῶν καλῶν ἀκάκωσ πάνυ καὶ νεωτερικῶσ προσδοκήσασ ὑπὸ τῶν αὐτῶν λόγων ὅμοια πείσεσθαι Διονύσιον, ἐσπούδασε καὶ διεπράξατο ποιησάμενοσ σχολὴν αὐτὸν ἐντυχεῖν Πλάτωνι καὶ ἀκοῦσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Dion, chapter 4

(플루타르코스, Dion, chapter 4)

상위

목록

SEARCH

MENU NAVIGATION