헬라어 문장 검색 - Πλυταρ́Δεανιμά31́

(플루타르코스, De animae procreatione in Timaeo, section 31)

οὐ γὰρ ἐπίδειξιν ὁ Πλάτων θεωρίασ μαθηματικῆσ ποιούμενοσ εἰσ φυσικὴν ὑπόθεσιν μὴ δεομένην μεσότητασ ἀριθμητικὰσ καὶ ἁρμονικὰσ παρεισήγαγεν, ἀλλὰ ὡσ μάλιστα δὴ τῇ συστάσει τῆσ ψυχῆσ τοῦ λόγου τούτου προσήκοντοσ. τῶν ἀστέρων, οἱ δ’ ἄγαν ἀκριβοῦν δοκοῦντεσ ἐν ταῖσ τῶν ἐπικύκλων διαμέτροισ ζητοῦσι τὰσ εἰρημένασ ἀναλογίασ, ὡσ τὴν ψυχὴν ἕνεκα τούτων τοῦ δημιουργοῦ τοῖσ οὐρανίοισ ἐναρμόσαντοσ, εἰσ ἑπτὰ μοίρασ νενεμημένην.

πολλοὶ δὲ καὶ τὰ Πυθαγορικὰ δεῦρο μεταφέρουσιν, ἀπὸ τοῦ μέσου τὰσ τῶν σωμάτων ἀποστάσεισ τριπλασιάζοντεσ·

γίγνεται δὲ τοῦτο κατὰ μὲν τὸ πῦρ μονάδοσ τιθεμένησ, κατὰ δ’ ἀντίχθονα τριῶν, κατὰ δὲ γῆν ἐννέα καὶ κατὰ σελήνην εἰκοσιεπτά, καὶ κατὰ τὸν Ἑρμοῦ μιᾶσ καὶ ὀγδοήκοντα, κατὰ δὲ Φωσφόρον τριῶν καὶ μ’ καὶ σ’, κατ’ αὐτὸν δὲ τὸν ἥλιον θ’ καὶ κ’ καὶ ψ’, ὅστισ ἅμα τετράγωνόσ τε καὶ κύβοσ ἐστί διὸ καὶ τὸν ἥλιον ἔστιν ὅτε τετράγωνον καὶ κύβον προσαγορεύουσιν.

τῆσ ἐκλειπτικῆσ σκιᾶσ τῆσ διαμέτρου τῆσ σελήνησ τριπλάσιον ὃ δ’ ἐκτρέπεται πλάτοσ ἡ σελήνη τῆσ διαμέτρου τῶν ζῳδίων ἐφ’ ἑκάτερα δωδεκάμοιρον.

αἱ δὲ πρὸσ ἥλιον σχέσεισ αὐτῆσ ἐν τριγώνοισ καὶ τετραγώνοισ ἀποστήμασι διχοτόμουσ καὶ ἀμφικύρτουσ σχηματισμοὺσ λαμβάνουσιν ἓξ δὲ ζῴδια διελθοῦσα τὴν πανσέληνον ὥσπερ τινὰ συμφωνίαν ἐν ἑξατόνῳ διὰ πασῶν ἀποδίδωσι.

τοῦ δ’ ἡλίου περὶ τὰσ τροπὰσ ἐλάχιστα καὶ μέγιστα περὶ τὴν ἰσημερίαν ἔχοντοσ κινήματα, δι’ ὧν ἀφαιρεῖ τῆσ ἡμέρασ καὶ τῇ νυκτὶ προστίθησιν ἢ τοὐναντίον, οὗτοσ ὁ λόγοσ ἐστίν· ἣν ἡ μεγίστη νὺξ πρὸσ τὴν βραχυτάτην ἡμέραν ἐμποιεῖ, ταῖσ δ’ ἐφεξῆσ τριάκοντα τὸ τρίτον, τὸ δ’ ἣμισυ ταῖσ λοιπαῖσ ἄχρι τῆσ ἰσημερίασ, ἐν ἑξαπλασίοισ καὶ τριπλασίοισ διαστήμασι τοῦ χρόνου τὴν ἀνωμαλίαν ἐπανισοῦντοσ.

διὰ τεττάρων γίγνεσθαι πρὸσ τὸ μετόπωρον, ἐν δὲ τῷ διὰ πέντε πρὸσ τὸν χειμῶνα, πρὸσ δὲ τὸ θέροσ ἐν τῷ διὰ πασῶν.

εἰ δ’ ὀρθῶσ ὁ Εὐριπίδησ διορίζεται θέρουσ τέσσαρασ μῆνασ καὶ χειμῶνοσ ἴσουσ φίλησ τ’ ὀπώρασ διπτύχουσ ἦρόσ τ’ ἴσουσ ἐν τῷ διὰ πασῶν αἱ ὡρ͂αι μεταβάλλουσιν. Φωσφόρον ἐν διατόνοισ καὶ παρυπάταισ καὶ λιχανοῖσ κινοῦντεσ, αὐτὸν τὸν ἥλιον ὡσ μέσην συνέχειν τὸ διὰ πασῶν ἀξιοῦσιν, ἀπέχοντα τῆσ μὲν γῆσ τὸ διὰ πέντε τῆσ δὲ τῶν ἀπλανῶν τὸ διὰ τεσσάρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De animae procreatione in Timaeo, section 31

(플루타르코스, De animae procreatione in Timaeo, section 31)

상위

목록

SEARCH

MENU NAVIGATION