헬라어 문장 검색 - Πλυταρ́Ξαεσαρ́17́

(플루타르코스, Caesar, chapter 17)

τὰ δὲ τοιαῦτα λήματα καὶ τὰσ φιλοτιμίασ αὐτόσ ἀνέθρεψε καὶ κατεσκεύασε Καῖσαρ, πρῶτον μὲν τῷ χαρίζεσθαι καὶ τιμᾶν ἀφειδῶσ ἐνδεικνύμενοσ ὅτι τὸν πλοῦτον οὐκ εἰσ τρυφὴν ἰδίαν οὐδέ τινασ ἡδυπαθείασ ἐκ τῶν πολέμων ἀθροίζει, κοινὰ δὲ ἆθλα τῆσ ἀνδραγαθίασ παρ’ αὐτῷ φυλασσόμενα ἀπόκειται, καὶ μέτεστιν ἐκείνῳ τοῦ πλουτεῖν ὅσα τοῖσ ἀξίοισ τῶν στρατιωτῶν δίδωσιν ἔπειτα τῷ πάντα μὲν κίνδυνον ἑκὼν ὑφίστασθαι, πρὸσ μηδένα δὲ τῶν πόνων ἀπαγορεύειν. τὸ μὲν οὖν φιλοκίνδυνον οὐκ ἐθαύμαζον αὐτοῦ διά τὴν φιλοτιμίαν ἡ δὲ τῶν πόνων ὑπομονὴ παρὰ τὴν τοῦ σώματοσ δύναμιν ἐγκαρτερεῖν δοκοῦντοσ ἐξέπληττεν, ὅτι καὶ τὴν ἕξιν ὢν ἰσχνόσ καὶ τὴν σάρκα λευκὸσ καὶ ἁπαλόσ καὶ τὴν κεφαλὴν νοσώδησ καὶ τοῖσ ἐπὶ τοῖσ ἐπιληπτικοῖσ ἔνοχοσ, ἐν Κορδύβῃ πρῶτον αὐτῷ τοῦ πάθουσ, ὡσ λέγεται, τούτου προσπεσόντοσ, οὐ μαλακίασ ἐποιήσατο τὴν ἀρρωστίαν πρόφασιν, ἀλλὰ θεραπείαν τῆσ ἀρρωστίασ τὴν στρατείαν, ταῖσ ἀτρύτοισ ὁδοιπορίαισ καὶ ταῖσ εὐτελέσι διαίταισ καὶ τῷ θυραυλεῖν ἐνδελεχῶσ καὶ ταλαιπωρεῖν ἀπομαχόμενοσ τῷ πάθει καὶ τὸ σῶμα τηρῶν δυσάλωτον.

ἐκοιμᾶτο μέν γε τοὺσ πλείστουσ ὕπνουσ ἐν ὀχήμασιν ἢ φορείοισ, εἰσ πρᾶξιν τὴν ἀνάπαυσιν κατατιθέμενοσ, ὠχεῖτο δὲ μεθ’ ἡμέραν ἐπὶ τὰ φρούρια καὶ τὰσ πόλεισ καὶ τοὺσ χάρακασ, ἑνὸσ αὐτῷ συγκαθημένου παιδὸσ τῶν ὑπογράφειν ἅμα διώκοντοσ εἰθισμένων, ἑνὸσ δ’ ἐξόπισθεν ἐφεστηκότοσ στρατιώτου ξίφοσ ἔχοντοσ, συντόνωσ δὲ ἤλαυνεν οὕτωσ ὥστε τὴν πρώτην ἔξοδον ἀπὸ Ῥώμησ ποιησάμενοσ ὀγδοαῖοσ ἐπὶ τὸν Ῥοδανὸν ἐλθεῖν.

τὸ μὲν οὖν ἱππεύειν ἐκ παιδὸσ ἦν αὐτῷ ῥᾴδιον εἴθιστο γὰρ εἰσ τοὐπίσω τὰσ χεῖρασ ἀπάγων καὶ τῷ νώτῳ περιπλέκων ἀνὰ κράτοσ ἐλαύνειν τὸν ἵππον. ἐν ἐκείνῃ δὲ τῇ στρατείᾳ προσεξήσκησεν ἱππαζόμενοσ τὰσ ἐπιστολὰσ ὑπαγορεύειν καὶ δυσὶν ὁμοῦ γράφουσιν ἐξαρκεῖν, ὡσ δὲ Ὄππιόσ φησι, καὶ πλείοσι.

λέγεται δὲ καὶ τὸ διά γραμμάτων τοῖσ φίλοισ ὁμιλεῖν Καίσαρα πρῶτον μηχανήσασθαι, τὴν κατὰ πρόσωπον ἔντευξιν ὑπὲρ τῶν ἐπειγόντων τοῦ καιροῦ διά τε πλῆθοσ ἀσχολιῶν καὶ τῆσ πόλεωσ τὸ μέγεθοσ μὴ περιμένοντοσ.

τῆσ δὲ περὶ τὴν δίαιταν εὐκολίασ κἀκεῖνο ποιοῦνται σημεῖον, ὅτι τοῦ δειπνίζοντοσ αὐτὸν ἐν Μεδιολάνῳ ξένου Οὐαλλερίου Λέοντοσ παραθέντοσ ἀσπάραγον καὶ μύρον ἀντ’ ἐλαίου καταχέαντοσ, αὐτὸσ μὲν ἀφελῶσ ἔφαγε, τοῖσ δὲ φίλοισ δυσχεραίνουσιν ἐπέπληξεν. "τὸ μὴ χρῆσθαι τοῖσ ἀπαρέσκουσιν ὁ δὲ τὴν τοιαύτην ἀγροικίαν ἐξελέγχων αὐτόσ ἐστιν ἄγροικοσ.

ἐν ὁδῷ δέ ποτε συνελασθεὶσ ὑπὸ χειμῶνοσ εἰσ ἔπαυλιν ἀνθρώπου πένητοσ, ὡσ οὐδὲν εὑρ͂ε πλέον οἰκήματοσ ἑνὸσ γλίσχρωσ ἕνα δέξασθαι δυναμένου, πρὸσ τοὺσ φίλουσ εἰπών ὡσ τῶν μὲν ἐντίμων παραχωρητέον εἰή τοῖσ κρατίστοισ, τῶν δὲ ἀναγκαίων τοῖσ ἀσθενεστάτοισ, Ὄππιον ἐκέλευσεν ἀναπαύσασθαι· αὐτὸσ δὲ μετὰ τῶν ἄλλων ὑπὸ τῷ προστεγίῳ τῆσ θύρασ ἐκάθευδεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Caesar, chapter 17

(플루타르코스, Caesar, chapter 17)

상위

목록

SEARCH

MENU NAVIGATION