헬라어 문장 검색 - Πλυταρ́Αριστιδ́25́

(플루타르코스, Ἀριστείδης, chapter 25)

ὁ δ’ Ἀριστείδησ ὡρ́κισε μὲν τοὺσ Ἕλληνασ καὶ ὤμοσεν ὑπὲρ τῶν Ἀθηναίων, μύδρουσ ἐμβαλὼν ἐπὶ ταῖσ ἀραῖσ εἰσ τὴν θάλατταν, ὕστερον δὲ τῶν πραγμάτων ἄρχειν ἐγκρατέστερον, ὡσ ἐοίκεν, ἐκβιαζομένων ἐκέλευε τοὺσ Ἀθηναίουσ τὴν ἐπιορκίαν τρέψαντασ εἰσ ἑαυτὸν ᾗ συμφέρει χρῆσθαι τοῖσ πράγμασι. καθ’ ὅλου δ’ ὁ Θεόφραστόσ φησι τὸν ἄνδρα τοῦτον περὶ τὰ οἰκεῖα καὶ τοὺσ πολίτασ ἄκρωσ ὄντα δίκαιον ἐν τοῖσ κοινοῖσ πολλὰ πρᾶξαι πρὸσ τὴν ὑπόθεσιν τῆσ πατρίδοσ, ὡσ συχνῆσ καὶ ἀδικίασ δεομένην.

καὶ γὰρ τὰ χρήματά φησιν ἐκ Δήλου βουλευομένων Ἀθήναζε κομίσαι παρὰ τὰσ συνθήκασ, καὶ Σαμίων εἰσηγουμένων, εἰπεῖν ἐκεῖνον, ὡσ οὐ δίκαιον μέν, συμφέρον δὲ τοῦτ’ ἐστί. καὶ τέλοσ εἰσ τὸ ἄρχειν ἀνθρώπων τοσούτων καταστήσασ τὴν πόλιν αὐτὸσ ἐνέμεινε τῇ πενίᾳ καὶ τὴν ἀπὸ τοῦ πένησ εἶναι δόξαν οὐδὲν ἧττον ἀγαπῶν τῆσ ἀπὸ τῶν τροπαίων διετέλεσε. δῆλον δ’ ἐκεῖθεν.

Καλλίασ ὁ δᾳδοῦχοσ ἦν αὐτῷ γένει προσήκων· τοῦτον οἱ ἐχθροὶ θανάτου διώκοντεσ, ἐπεὶ περὶ ὧν ἐγράψαντο μετρίωσ κατηγόρησαν, εἶπόν τινα λόγον ἔξωθεν τοιοῦτον πρὸσ τοὺσ δικαστάσ· "ἴστε τὸν Λυσιμάχου θαυμαζόμενον ἐν τοῖσ Ἕλλησι·

"τούτῳ πῶσ οἰέσθε τὰ κατ’ οἶκον ἔχειν ὁρῶντεσ αὐτὸν ἐν τρίβωνι τοιούτῳ προερχόμενον εἰσ τὸ δημόσιον; "ἆρ’ οὐκ εἰκόσ ἐστι τὸν ῥιγοῦντα φανερῶσ καὶ πεινᾶν οἴκοι καὶ τῶν ἄλλων ἐπιτηδείων σπανίζειν; "τοῦτον μέντοι Καλλίασ, ἀνεψιὸν ὄντα, πλουσιώτατοσ ὢν Ἀθηναίων περιορᾷ μετὰ τέκνων καὶ γυναικὸσ ἐνδεόμενον, πολλὰ κεχρημένοσ τῷ ἀνδρὶ καὶ πολλάκισ αὐτοῦ τῆσ παρ’ ὑμῖν δυνάμεωσ ἀπολελαυκώσ. ὁ δὲ Καλλίασ ὁρῶν ἐπὶ τούτῳ μάλιστα θορυβοῦντασ τοὺσ δικαστὰσ καὶ χαλεπῶσ πρὸσ αὐτὸν ἔχοντασ ἐκάλει τὸν Ἀριστείδην, ἀξιῶν μαρτυρῆσαι πρὸσ τοὺσ δικαστάσ, ὅτι πολλάκισ αὐτοῦ πολλὰ καὶ διδόντοσ καὶ δεομένου λαβεῖν οὐκ ἠθέλησεν ἀποκρινόμενοσ, ὡσ μᾶλλον αὐτῷ διὰ πενίαν μέγα φρονεῖν ἢ Καλλίᾳ διὰ πλοῦτον προσήκει·

πλούτῳ μὲν γὰρ ἔστι πολλοὺσ ἰδεῖν εὖ τε καὶ κακῶσ χρωμένουσ, πενίαν δὲ φέροντι γενναίωσ οὐ ῥᾴδιον ἐντυχεῖν· αἰσχύνεσθαι δὲ πενίαν τοὺσ ἀκουσίωσ πενομένουσ. ταῦτα δὲ τοῦ Ἀριστείδου τῷ Καλλίᾳ προσμαρτυρήσαντοσ οὐδεὶσ ἦν τῶν ἀκουόντων, ὃσ οὐκ ἀπῄει πένησ μᾶλλον ὡσ Ἀριστείδησ εἶναι βουλόμενοσ ἢ πλουτεῖν ὡσ Καλλίασ.

ταῦτα μὲν οὖν Αἰσχίνησ ὁ Σωκρατικὸσ ἀναγέγραφε. Πλάτων δὲ τῶν μεγάλων δοκούντων καὶ ὀνομαστῶν Ἀθήνησι μόνον ἄξιον λόγου τοῦτον ἀποφαίνει τὸν ἄνδρα· Θεμιστοκλέα μὲν γὰρ καὶ Κίμωνα καὶ Περικλέα στοῶν καὶ χρημάτων καὶ φλυαρίασ πολλῆσ ἐμπλῆσαι τὴν πόλιν, Ἀριστείδην δὲ πολιτεύσασθαι πρὸσ ἀρετήν. μεγάλα δ’ αὐτοῦ καὶ τὰ πρὸσ Θεμιστοκλέα τῆσ ἐπιεικείασ σημεῖα.

χρησάμενοσ γὰρ αὐτῷ παρὰ πᾶσαν ὁμοῦ τὴν πολιτείαν ἐχθρῷ καὶ δι’ ἐκεῖνον ἐξοστρακισθείσ, ἐπεὶ τὴν αὐτὴν λαβὴν παρέσχεν ὁ ἀνὴρ ἐν αἰτίᾳ γενόμενοσ πρὸσ τὴν πόλιν, οὐκ ἐμνησικάκησεν, ἀλλ’ Ἀλκμαίωνοσ καὶ Κίμωνοσ καὶ πολλῶν ἄλλων ἐλαυνόντων καὶ κατηγορούντων μόνοσ Ἀριστείδησ οὔτ’ ἔπραξεν οὔτ’ εἶπέ τι φαῦλον, οὐδ’ ἀπέλαυσεν ἐχθροῦ δυστυχοῦντοσ, ὥσπερ οὐδ’ εὐημεροῦντι πρότερον ἐφθόνησε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 25

(플루타르코스, Ἀριστείδης, chapter 25)

상위

목록

SEARCH

MENU NAVIGATION