헬라어 문장 검색 - Πλυταρ́Αριστιδ́05́

(플루타르코스, Ἀριστείδης, chapter 5)

ἐπεὶ δὲ Δᾶτισ ὑπὸ Δαρείου πεμφθεὶσ λόγῳ μὲν ἐπιθεῖναι δίκην Ἀθηναίοισ, ὅτι Σάρδεισ ἐνέπρησαν, ἔργῳ δὲ καταστρέψασθαι τοὺσ Ἕλληνασ, εἰσ Μαραθῶνα παντὶ τῷ στόλῳ κατέσχε καὶ τὴν χώραν ἐπόρθει, τῶν δέκα καθεστώτων τοῖσ Ἀθηναίοισ ἐπὶ τὸν πόλεμον στρατηγῶν μέγιστον μὲν εἶχεν ἀξίωμα Μιλτιάδησ, δόξῃ δὲ καὶ δυνάμει δεύτεροσ ἦν Ἀριστείδησ. καὶ τότε περὶ τῆσ μάχησ γνώμῃ τῇ Μιλτιάδου προσθέμενοσ οὐ μικρὰν ἐποίησε ῥοπήν·

καὶ παρ’ ἡμέραν ἑκάστου στρατηγοῦ τὸ κράτοσ ἔχοντοσ, ὡσ περιῆλθεν εἰσ αὐτὸν ἡ ἀρχή, παρέδωκε Μιλτιάδῃ, διδάσκων τοὺσ συνάρχοντασ, ὅτι τὸ πείθεσθαι καὶ ἀκολουθεῖν τοῖσ εὖ φρονοῦσιν οὐκ αἰσχρόν, ἀλλὰ σεμνόν ἐστι καὶ σωτήριον. οὕτω δὲ πραύ̈νασ τὴν φιλονεικίαν καὶ προτρεψάμενοσ αὐτοὺσ ἀγαπᾶν μιᾷ γνώμῃ τῇ κρατίστῃ χρωμένουσ, ἔρρωσε τὸν Μιλτιάδην τῷ ἀπερισπάστῳ τῆσ ἐξουσίασ ἰσχυρὸν γενόμενον. χαίρειν γὰρ ἐῶν ἕκαστοσ ἤδη τὸ παρ’ ἡμέραν ἄρχειν ἐκείνῳ προσεῖχεν. ἐν δὲ τῇ μάχῃ μάλιστα τῶν Ἀθηναίων τοῦ μέσου πονήσαντοσ καὶ πλεῖστον ἐνταῦθα χρόνον τῶν βαρβάρων ἀντερεισάντων κατὰ τὴν Λεοντίδα καὶ τὴν Ἀντιοχίδα φυλήν, ἠγωνίσαντο λαμπρῶσ τεταγμένοι παρ’ ἀλλήλουσ ὅ τε Θεμιστοκλῆσ καὶ ὁ Ἀριστείδησ·

ὁ μὲν γὰρ Λεοντίδοσ ἦν, ὁ δ’ Ἀντιοχίδοσ· ἐπεὶ δὲ τρεψάμενοι τοὺσ βαρβάρουσ ἐνέβαλον εἰσ τὰσ ναῦσ καὶ πλέοντασ οὐκ ἐπὶ νήσων ἑώρων, ἀλλ’ ὑπὸ τοῦ πνεύματοσ καὶ τῆσ θαλάσσησ εἴσω πρὸσ τὴν Ἀττικὴν ἀποβιαζομένουσ, φοβηθέντεσ μὴ τὴν πόλιν ἔρημον λάβωσι τῶν ἀμυνομένων, ταῖσ μὲν ἐννέα φυλαῖσ ἠπείγοντο πρὸσ τὸ ἄστυ καὶ κατήνυσαν αὐθημερόν·

ἐν δὲ Μαραθῶνι μετὰ τῆσ ἑαυτοῦ φυλῆσ Ἀριστείδησ ἀπολειφθεὶσ φύλαξ τῶν αἰχμαλώτων καὶ τῶν λαφύρων οὐκ ἐψεύσατο τὴν δόξαν, ἀλλὰ χύδην μὲν ἀργύρου καὶ χρυσοῦ παρόντοσ, ἐσθῆτοσ δὲ παντοδαπῆσ καὶ χρημάτων ἄλλων ἀμυθήτων ἐν ταῖσ σκηναῖσ καὶ τοῖσ ἡλωκόσι σκάφεσιν ὑπαρχόντων, οὔτ’ αὐτὸσ ἐπεθύμησε θιγεῖν οὔτ’ ἄλλον εἰάσε, πλὴν εἴ τινεσ ἐκεῖνον λαθόντεσ ὠφελήθησαν·

ὧν ἦν καὶ Καλλίασ ὁ δᾳδοῦχοσ. τούτῳ γάρ τισ, ὡσ ἐοίκε, τῶν βαρβάρων προσέπεσεν οἰηθεὶσ βασιλέα διὰ τὴν κόμην καὶ τὸ στρόφιον εἶναι·

προσκυνήσασ δὲ καὶ λαβόμενοσ τῆσ δεξιᾶσ ἔδειξε πολὺ χρυσίον ἐν λάκκῳ τινὶ κατορωρυγμένον. ὁ δὲ Καλλίασ ὠμότατοσ ἀνθρώπων καὶ παρανομώτατοσ γενόμενοσ τὸν μὲν χρυσὸν ἀνείλετο, τὸν δ’ ἄνθρωπον, ὡσ μὴ κατείποι πρὸσ ἑτέρουσ, ἀπέκτεινεν. ἐκ τούτου φασὶ καὶ λακκοπλούτουσ ὑπὸ τῶν κωμικῶν τοὺσ ἀπὸ τῆσ οἰκίασ λέγεσθαι, σκωπτόντων εἰσ τὸν τόπον, ἐν ᾧ τὸ χρυσίον ὁ Καλλίασ εὑρ͂εν. Ἀριστείδησ δὲ τὴν ἐπώνυμον εὐθὺσ ἀρχὴν ἦρξε.

καίτοι φησὶν ὁ Φαληρεὺσ Δημήτριοσ ἄρξαι τὸν ἄνδρα μικρὸν ἔμπροσθεν τοῦ θανάτου μετὰ τὴν ἐν Πλαταιαῖσ μάχην. ἐν δὲ ταῖσ ἀναγραφαῖσ μετὰ μὲν Ξανθιππίδην, ἐφ’ οὗ Μαρδόνιοσ ἡττήθη Πλαταιᾶσιν, οὐδ’ ὁμώνυμον Ἀριστείδην ἐν πάνυ πολλοῖσ λαβεῖν ἔστι, μετὰ δὲ Φαίνιππον, ἐφ’ οὗ τὴν ἐν Μαραθῶνι μάχην ἐνίκων, εὐθὺσ Ἀριστείδησ ἄρχων ἀναγέγραπται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Ἀριστείδης, chapter 5

(플루타르코스, Ἀριστείδης, chapter 5)

상위

목록

SEARCH

MENU NAVIGATION