Homer, Odyssey, Book 22 2:

ἦ καὶ ἐπ Ἀντινόῳ ἰθύνετο πικρὸν ὀϊστόν.? ἦ τοι ὁ καλὸν ἄλεισον ἀναιρήσεσθαι ἔμελλε, χρύσεον ἄμφωτον, καὶ δὴ μετὰ χερσὶν ἐνώμα, ὄφρα πίοι οἴνοιο: φόνος δέ οἱ οὐκ ἐνὶ θυμῷ μέμβλετο: τίς κ οἰοίτο μετ ἀνδράσι δαιτυμόνεσσι μοῦνον ἐνὶ πλεόνεσσι, καὶ εἰ μάλα καρτερὸς εἰή, οἷ τεύξειν θάνατόν τε κακὸν καὶ κῆρα μέλαιναν· τὸν δ Ὀδυσεὺς κατὰ λαιμὸν ἐπισχόμενος βάλεν ἰῷ, ἀντικρὺ δ ἁπαλοῖο δι αὐχένος ἤλυθ ἀκωκή. ἐκλίνθη δ ἑτέρωσε, δέπας δέ οἱ ἔκπεσε χειρὸς βλημένου, αὐτίκα δ αὐλὸς ἀνὰ ῥῖνας παχὺς ἦλθεν αἵματος ἀνδρομέοιο: θοῶς δ ἀπὸ εἱο῀ τράπεζαν ὦσε ποδὶ πλήξας, ἀπὸ δ εἴδατα χεῦεν ἔραζε: σῖτός τε κρέα τ ὀπτὰ φορύνετο. τοὶ δ ὁμάδησαν μνηστῆρες κατὰ δώμαθ, ὅπως ἴδον ἄνδρα πεσόντα, ἐκ δὲ θρόνων ἀνόρουσαν ὀρινθέντες κατὰ δῶμα, πάντοσε παπταίνοντες ἐϋδμήτους ποτὶ τοίχους: οὐδέ πη ἀσπὶς ἐήν οὐδ ἄλκιμον ἔγχος ἑλέσθαι. νείκειον δ Ὀδυσῆα χολωτοῖσιν ἐπέεσσι:?