Homer, Odyssey, Book 21 56:

(호메로스, 오디세이아, Book 21 56:)

ὣσ ἄρ’ ἔφαν μνηστῆρεσ· ἀτὰρ πολύμητισ Ὀδυσσεύσ, αὐτίκ’ ἐπεὶ μέγα τόξον ἐβάστασε καὶ ἴδε πάντη, ὡσ ὅτ’ ἀνὴρ φόρμιγγοσ ἐπιστάμενοσ καὶ ἀοιδῆσ ῥηϊδίωσ ἐτάνυσσε νέῳ περὶ κόλλοπι χορδήν, ἅψασ ἀμφοτέρωθεν ἐϋστρεφὲσ ἔντερον οἰόσ, ὣσ ἄρ’ ἄτερ σπουδῆσ τάνυσεν μέγα τόξον Ὀδυσσεύσ. δεξιτερῇ ἄρα χειρὶ λαβὼν πειρήσατο νευρῆσ· ἡ δ’ ὑπὸ καλὸν ἀείσε, χελιδόνι εἰκέλη αὐδήν. μνηστῆρσιν δ’ ἄρ’ ἄχοσ γένετο μέγα, πᾶσι δ’ ἄρα χρὼσ ἐτράπετο· Ζεὺσ δὲ μεγάλ’ ἔκτυπε σήματα φαίνων· γήθησέν τ’ ἄρ’ ἔπειτα πολύτλασ δῖοσ Ὀδυσσεύσ. ὅττι ῥά οἱ τέρασ ἧκε Κρόνου πάϊσ ἀγκυλομήτεω· εἵλετο δ’ ὠκὺν ὀϊστόν, ὅ οἱ παρέκειτο τραπέζῃ γυμνόσ· τοὶ δ’ ἄλλοι κοίλησ ἔντοσθε φαρέτρησ κείατο, τῶν τάχ’ ἔμελλον Ἀχαιοὶ πειρήσεσθαι. τόν ῥ’ ἐπὶ πήχει ἑλὼν ἕλκεν νευρὴν γλυφίδασ τε, αὐτόθεν ἐκ δίφροιο καθήμενοσ, ἧκε δ’ ὀϊστὸν ἄντα τιτυσκόμενοσ, πελέκεων δ’ οὐκ ἤμβροτε πάντων πρώτησ στειλειῆσ, διὰ δ’ ἀμπερὲσ ἦλθε θύραζε ἰὸσ χαλκοβαρήσ· ὁ δὲ Τηλέμαχον προσέειπε·

일치하는 문장이 없습니다.

SEARCH

MENU NAVIGATION