헬라어 문장 검색 - Ηομερ́Οδψσσεψ́20́0́010́

(호메로스, 오디세이아, Book 20 10:)

"Ἄρτεμι, πότνα θεά, θύγατερ Διόσ, αἴθε μοι ἤδη ἰὸν ἐνὶ στήθεσσι βαλοῦσ’ ἐκ θυμὸν ἕλοιο αὐτίκα νῦν, ἢ ἔπειτα μ’ ἀναρπάξασα θύελλα οἴχοιτο προφέρουσα κατ’ ἠερόεντα κέλευθα, ἐν προχοῇσ δὲ βάλοι ἀψορρόου Ὠκεανοῖο. ὡσ δ’ ὅτε Πανδαρέου κούρασ ἀνέλοντο θύελλαι· τῇσι τοκῆασ μὲν φθῖσαν θεοί, αἱ δ’ ἐλίποντο ὀρφαναὶ ἐν μεγάροισι, κόμισσε δὲ δῖ’ Ἀφροδίτη τυρῷ καὶ μέλιτι γλυκερῷ καὶ ἡδέϊ οἴνῳ· Ἥρη δ’ αὐτῇσιν περὶ πασέων δῶκε γυναικῶν εἶδοσ καὶ πινυτήν, μῆκοσ δ’ ἔπορ’ Ἄρτεμισ ἁγνή, ἔργα δ’ Ἀθηναίη δέδαε κλυτὰ ἐργάζεσθαι. εὖτ’ Ἀφροδίτη δῖα προσέστιχε μακρὸν Ὄλυμπον, κούρῃσ αἰτήσουσα τέλοσ θαλεροῖο γάμοιο ‐ ἐσ Δία τερπικέραυνον, ὁ γάρ τ’ εὖ οἶδεν ἅπαντα, μοῖράν τ’ ἀμμορίην τε καταθνητῶν ἀνθρώπων ‐ τόφρα δὲ τὰσ κούρασ ἁρ́πυιαι ἀνηρείψαντο καί ῥ’ ἔδοσαν στυγερῇσιν ἐρινύσιν ἀμφιπολεύειν· ὣσ ἔμ’ ἀϊστώσειαν Ὀλύμπια δώματ’ ἔχοντεσ, ἠέ μ’ ἐϋπλόκαμοσ βάλοι Ἄρτεμισ, ὄφρ’ Ὀδυσῆα ὀσσομένη καὶ γαῖαν ὕπο στυγερὴν ἀφικοίμην, μηδέ τι χείρονοσ ἀνδρὸσ ἐϋφραίνοιμι νόημα. ἀλλὰ τὸ μὲν καὶ ἀνεκτὸν ἔχει κακόν, ὁππότε κέν τισ ἤματα μὲν κλαίῃ, πυκινῶσ ἀκαχήμενοσ ἦτορ, νύκτασ δ’ ὕπνοσ ἔχῃσιν ‐ ὁ γάρ τ’ ἐπέλησεν ἁπάντων, ἐσθλῶν ἠδὲ κακῶν, ἐπεὶ ἄρ βλέφαρ’ ἀμφικαλύψῃ ‐ αὐτὰρ ἐμοὶ καὶ ὀνείρατ’ ἐπέσσευεν κακὰ δαίμων. τῇδε γὰρ αὖ μοι νυκτὶ παρέδραθεν εἴκελοσ αὐτῷ, τοῖοσ ἐὼν οἱο͂σ ᾖεν ἅμα στρατῷ· αὐτὰρ ἐμὸν κῆρ χαῖρ’, ἐπεὶ οὐκ ἐφάμην ὄναρ ἔμμεναι, ἀλλ’ ὕπαρ ἤδη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Odyssey, Book 20 10:

(호메로스, 오디세이아, Book 20 10:)

상위

목록

SEARCH

MENU NAVIGATION