Homer, Odyssey, Book 18 60:

τὸν δ ἀπαμειβόμενος προσέφη πολύμητις Ὀδυσσεύς:? "Εὐρύμαχ, εἰ γὰρ νῶϊν ἔρις ἔργοιο γένοιτο ὡρ´ῃ ἐν εἰαρινῇ, ὅτε τ ἤματα μακρὰ πέλονται, ἐν ποίῃ, δρέπανον μὲν ἐγὼν εὐκαμπὲς ἔχοιμι, καὶ δὲ σὺ τοῖον ἔχοις, ἵνα πειρησαίμεθα ἔργου νήστιες ἄχρι μάλα κνέφαος, ποίη δὲ παρείη. εἰ δ αὖ καὶ βόες εἰε῀ν ἐλαυνέμεν, οἵ περ ἄριστοι, αἴθωνες, μεγάλοι, ἄμφω κεκορηότε ποίης, ἥλικες, ἰσοφόροι, τῶν τε σθένος οὐκ ἀλαπαδνόν, τετράγυον δ εἰή, εἴκοι δ ὑπὸ βῶλος ἀρότρῳ: τῷ κέ μ ἴδοις, εἰ ὦλκα διηνεκέα προταμοίμην. εἰ δ αὖ καὶ πόλεμόν ποθεν ὁρμήσειε Κρονίων σήμερον, αὐτὰρ ἐμοὶ σάκος εἰή καὶ δύο δοῦρε καὶ κυνέη πάγχαλκος, ἐπὶ κροτάφοις ἀραρυῖα, τῷ κέ μ ἴδοις πρώτοισιν ἐνὶ προμάχοισι μιγέντα, οὐδ ἄν μοι τὴν γαστέρ ὀνειδίζων ἀγορεύοις. ἀλλὰ μάλ ὑβρίξεις, καί τοι νόος ἐστὶν ἀπηνής: καί πού τις δοκέεις μέγας ἔμμεναι ἠδὲ κραταιός, οὕνεκα πὰρ παύροισι καὶ οὐκ ἀγαθοῖσιν ὁμιλεῖς. εἰ δ Ὀδυσεὺς ἔλθοι καὶ ἵκοιτ ἐς πατρίδα γαῖαν, αἶψά κέ τοι τὰ θύρετρα, καὶ εὐρέα περ μάλ ἐόντα, φεύγοντι στείνοιτο διὲκ προθύροιο θύραζε.?