Homer, Odyssey, Book 17 14:

(호메로스, 오디세이아, Book 17 14:)

ὣσ εἰπὼν ξεῖνον ταλαπείριον ἦγεν ἐσ οἶκον. αὐτὰρ ἐπεί ῥ’ ἵκοντο δόμουσ εὖ ναιετάοντασ, χλαίνασ μὲν κατέθεντο κατὰ κλισμούσ τε θρόνουσ τε, ἐσ δ’ ἀσαμίνθουσ βάντεσ ἐϋξέστασ λούσαντο. τοὺσ δ’ ἐπεὶ οὖν δμῳαὶ λοῦσαν καὶ χρῖσαν ἐλαίῳ, ἀμφὶ δ’ ἄρα χλαίνασ οὔλασ βάλον ἠδὲ χιτῶνασ, ἔκ ῥ’ ἀσαμίνθων βάντεσ ἐπὶ κλισμοῖσι καθῖζον. χέρνιβα δ’ ἀμφίπολοσ προχόῳ ἐπέχευε φέρουσα καλῇ χρυσείῃ, ὑπὲρ ἀργυρέοιο λέβητοσ, νίψασθαι· παρὰ δὲ ξεστὴν ἐτάνυσσε τράπεζαν. σῖτον δ’ αἰδοίη ταμίη παρέθηκε φέρουσα, εἴδατα πόλλ’ ἐπιθεῖσα, χαριζομένη παρεόντων. μήτηρ δ’ ἀντίον ἷζε παρὰ σταθμὸν μεγάροιο κλισμῷ κεκλιμένη, λέπτ’ ἠλάκατα στρωφῶσα. οἱ δ’ ἐπ’ ὀνείαθ’ ἑτοῖμα προκείμενα χεῖρασ ἰάλλον, αὐτὰρ ἐπεὶ πόσιοσ καὶ ἐδητύοσ ἐξ ἔρον ἕντο, τοῖσι δὲ μύθων ἦρχε περίφρων Πηνελόπεια·

일치하는 문장이 없습니다.

SEARCH

MENU NAVIGATION