Homer, Odyssey, Book 14 38:

ἦ ῥα καὶ ἄργματα θῦσε θεοῖσ αἰειγενέτῃσι, σπείσασ δ’ αἴθοπα οἶνον Ὀδυσσῆϊ πτολιπόρθῳ ἐν χείρεσσιν ἔθηκεν· ὁ δ’ ἕζετο ᾗ παρὰ μοίρῃ. σῖτον δέ σφιν ἔνειμε Μεσαύλιοσ, ὅν ῥα συβώτησ αὐτὸσ κτήσατο οἰο͂σ ἀποιχομένοιο ἄνακτοσ, νόσφιν δεσποίνησ καὶ Λαέρταο γέροντοσ· πὰρ δ’ ἄρα μιν Ταφίων πρίατο κτεάτεσσιν ἑοῖσιν. οἱ δ’ ἐπ’ ὀνείαθ’ ἑτοῖμα προκείμενα χεῖρασ ἰάλλον. αὐτὰρ ἐπεὶ πόσιοσ καὶ ἐδητύοσ ἐξ ἔρον ἕντο, σῖτον μέν σφιν ἀφεῖλε Μεσαύλιοσ, οἱ δ’ ἐπὶ κοῖτον σίτου καὶ κρειῶν κεκορημένοι ἐσσεύοντο.