Homer, Odyssey, Book 14 21:

(호메로스, 오디세이아, Book 14 21:)

"ἀλλ’ ὅτε δὴ τήν γε στυγερὴν ὁδὸν εὐρύοπα Ζεὺσ ἐφράσαθ’, ἣ πολλῶν ἀνδρῶν ὑπὸ γούνατ’ ἔλυσε, δὴ τότ’ ἔμ’ ἤνωγον καὶ ἀγακλυτὸν Ἰδομενῆα νήεσσ’ ἡγήσασθαι ἐσ Ἴλιον· οὐδέ τι μῆχοσ ἠε͂ν ἀνήνασθαι, χαλεπὴ δ’ ἔχε δήμου φῆμισ. ἔνθα μὲν εἰνάετεσ πολεμίζομεν υἱε͂σ Ἀχαιῶν, τῷ δεκάτῳ δὲ πόλιν Πριάμου πέρσαντεσ ἔβημεν οἴκαδε σὺν νήεσσι, θεὸσ δ’ ἐκέδασσεν Ἀχαιούσ. αὐτὰρ ἐμοὶ δειλῷ κακὰ μήδετο μητίετα Ζεύσ· μῆνα γὰρ οἰο͂ν ἔμεινα τεταρπόμενοσ τεκέεσσιν κουριδίῃ τ’ ἀλόχῳ καὶ κτήμασιν· αὐτὰρ ἔπειτα Αἴγυπτόνδε με θυμὸσ ἀνώγει ναυτίλλεσθαι, νῆασ ἐὺ̈ στείλαντα σὺν ἀντιθέοισ ἑτάροισιν. ἐννέα νῆασ στεῖλα, θοῶσ δ’ ἐσαγείρατο λαόσ. ἑξῆμαρ μὲν ἔπειτα ἐμοὶ ἐρίηρεσ ἑταῖροι δαίνυντ’· αὐτὰρ ἐγὼν ἱερήϊα πολλὰ παρεῖχον θεοῖσίν τε ῥέζειν αὐτοῖσί τε δαῖτα πένεσθαι. ἑβδομάτῃ δ’ ἀναβάντεσ ἀπὸ Κρήτησ εὐρείησ ἐπλέομεν Βορέῃ ἀνέμῳ ἀκραέϊ καλῷ ῥηϊδίωσ, ὡσ εἴ τε κατὰ ῥόον· οὐδέ τισ οὖν μοι νηῶν πημάνθη, ἀλλ’ ἀσκηθέεσ καὶ ἄνουσοι ἥμεθα, τὰσ δ’ ἄνεμόσ τε κυβερνῆταί τ’ ἴθυνον.

일치하는 문장이 없습니다.

SEARCH

MENU NAVIGATION