Homer, Odyssey, Book 14 4:

"ὦ γέρον, ἦ ὀλίγου σε κύνεσ διεδηλήσαντο ἐξαπίνησ, καί κέν μοι ἐλεγχείην κατέχευασ. καὶ δέ μοι ἄλλα θεοὶ δόσαν ἄλγεά τε στοναχάσ τε· ἀντιθέου γὰρ ἄνακτοσ ὀδυρόμενοσ καὶ ἀχεύων ἧμαι, ἄλλοισιν δὲ σύασ σιάλουσ ἀτιτάλλω ἔδμεναι· αὐτὰρ κεῖνοσ ἐελδόμενόσ που ἐδωδῆσ πλάζετ’ ἐπ’ ἀλλοθρόων ἀνδρῶν δῆμόν τε πόλιν τε, εἴ που ἔτι ζώει καὶ ὁρᾷ φάοσ ἠελίοιο. ἀλλ’ ἕπεο, κλισίηνδ’ ἰόμεν, γέρον, ὄφρα καὶ αὐτόσ, σίτου καὶ οἴνοιο κορεσσάμενοσ κατὰ θυμόν, εἴπῃσ ὁππόθεν ἐσσὶ καὶ ὁππόσα κήδε’ ἀνέτλησ.