헬라어 문장 검색 - Ηομερ́Οδψσσεψ́13́0́034́

(호메로스, 오디세이아, Book 13 34:)

"πυνθανόμην Ἰθάκησ γε καὶ ἐν Κρήτῃ εὐρείῃ, τηλοῦ ὑπὲρ πόντου· νῦν δ’ εἰλήλουθα καὶ αὐτὸσ χρήμασι σὺν τοίσδεσσι· λιπὼν δ’ ἔτι παισὶ τοσαῦτα φεύγω, ἐπεὶ φίλον υἱᾶ κατέκτανον Ἰδομενῆοσ, Ὀρσίλοχον πόδασ ὠκύν, ὃσ ἐν Κρήτῃ εὐρείῃ ἀνέρασ ἀλφηστὰσ νίκα ταχέεσσι πόδεσσιν, οὕνεκά με στερέσαι τῆσ ληί̈δοσ ἤθελε πάσησ Τρωϊάδοσ, τῆσ εἵνεκ’ ἐγὼ πάθον ἄλγεα θυμῷ, ἀνδρῶν τε πτολέμουσ ἀλεγεινά τε κύματα πείρων, οὕνεκ’ ἄρ’ οὐχ ᾧ πατρὶ χαριζόμενοσ θεράπευον δήμῳ ἔνι Τρώων, ἀλλ’ ἄλλων ἦρχον ἑταίρων. τὸν μὲν ἐγὼ κατιόντα βάλον χαλκήρεϊ δουρὶ ἀγρόθεν, ἐγγὺσ ὁδοῖο λοχησάμενοσ σὺν ἑταίρῳ· νὺξ δὲ μάλα δνοφερὴ κάτεχ’ οὐρανόν, οὐδέ τισ ἡμέασ ἀνθρώπων ἐνόησε, λάθον δέ ἑ θυμὸν ἀπούρασ. αὐτὰρ ἐπεὶ δὴ τόν γε κατέκτανον ὀξέϊ χαλκῷ, αὐτίκ’ ἐγὼν ἐπὶ νῆα κιὼν Φοίνικασ ἀγαυοὺσ ἐλλισάμην, καί σφιν μενοεικέα ληί̈δα δῶκα· τούσ μ’ ἐκέλευσα Πύλονδε καταστῆσαι καὶ ἐφέσσαι ἢ εἰσ Ἤλιδα δῖαν, ὅθι κρατέουσιν Ἐπειοί. ἀλλ’ ἦ τοι σφέασ κεῖθεν ἀπώσατο ἲσ ἀνέμοιο πόλλ’ ἀεκαζομένουσ, οὐδ’ ἤθελον ἐξαπατῆσαι. κεῖθεν δὲ πλαγχθέντεσ ἱκάνομεν ἐνθάδε νυκτόσ. σπουδῇ δ’ ἐσ λιμένα προερέσσαμεν, οὐδέ τισ ἡμῖν δόρπου μνῆστισ ἐήν, μάλα περ χατέουσιν ἑλέσθαι, ἀλλ’ αὔτωσ ἀποβάντεσ ἐκείμεθα νηὸσ ἅπαντεσ. ἔνθ’ ἐμὲ μὲν γλυκὺσ ὕπνοσ ἐπήλυθε κεκμηῶτα, οἱ δὲ χρήματ’ ἐμὰ γλαφυρῆσ ἐκ νηὸσ ἑλόντεσ κάτθεσαν, ἔνθα περ αὐτὸσ ἐπὶ ψαμάθοισιν ἐκείμην. οἱ δ’ ἐσ Σιδονίην εὖ ναιομένην ἀναβάντεσ ᾤχοντ’· αὐτὰρ ἐγὼ λιπόμην ἀκαχήμενοσ ἦτορ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Homer, Odyssey, Book 13 34:

(호메로스, 오디세이아, Book 13 34:)

상위

목록

SEARCH

MENU NAVIGATION