Homer, Odyssey, Book 9 38:

(호메로스, 오디세이아, Book 9 38:)

"ἦ καὶ ἀνακλινθεὶσ πέσεν ὕπτιοσ, αὐτὰρ ἔπειτα κεῖτ’ ἀποδοχμώσασ παχὺν αὐχένα, κὰδ δέ μιν ὕπνοσ ᾕρει πανδαμάτωρ· φάρυγοσ δ’ ἐξέσσυτο οἶνοσ ψωμοί τ’ ἀνδρόμεοι· ὁ δ’ ἐρεύγετο οἰνοβαρείων. καὶ τότ’ ἐγὼ τὸν μοχλὸν ὑπὸ σποδοῦ ἤλασα πολλῆσ, ἡο͂σ θερμαίνοιτο· ἔπεσσι δὲ πάντασ ἑταίρουσ θάρσυνον, μή τίσ μοι ὑποδείσασ ἀναδύη. ἀλλ’ ὅτε δὴ τάχ’ ὁ μοχλὸσ ἐλάινοσ ἐν πυρὶ μέλλεν ἅψεσθαι, χλωρόσ περ ἐών, διεφαίνετο δ’ αἰνῶσ, καὶ τότ’ ἐγὼν ἆσσον φέρον ἐκ πυρόσ, ἀμφὶ δ’ ἑταῖροι ἵσταντ’· αὐτὰρ θάρσοσ ἐνέπνευσεν μέγα δαίμων. οἱ μὲν μοχλὸν ἑλόντεσ ἐλάινον, ὀξὺν ἐπ’ ἄκρῳ, ὀφθαλμῷ ἐνέρεισαν· ἐγὼ δ’ ἐφύπερθεν ἐρεισθεὶσ δίνεον, ὡσ ὅτε τισ τρυπῷ δόρυ νήιον ἀνὴρ τρυπάνῳ, οἱ δέ τ’ ἔνερθεν ὑποσσείουσιν ἱμάντι ἁψάμενοι ἑκάτερθε, τὸ δὲ τρέχει ἐμμενὲσ αἰεί. ὣσ τοῦ ἐν ὀφθαλμῷ πυριήκεα μοχλὸν ἑλόντεσ δινέομεν, τὸν δ’ αἷμα περίρρεε θερμὸν ἐόντα. πάντα δέ οἱ βλέφαρ’ ἀμφὶ καὶ ὀφρύασ εὗσεν ἀυτμὴ γλήνησ καιομένησ, σφαραγεῦντο δέ οἱ πυρὶ ῥίζαι. ὡσ δ’ ὅτ’ ἀνὴρ χαλκεὺσ πέλεκυν μέγαν ἠὲ σκέπαρνον εἰν ὕδατι ψυχρῷ βάπτῃ μεγάλα ἰάχοντα φαρμάσσων· τὸ γὰρ αὖτε σιδήρου γε κράτοσ ἐστίν ὣσ τοῦ σίζ’ ὀφθαλμὸσ ἐλαϊνέῳ περὶ μοχλῷ. σμερδαλέον δὲ μέγ’ ᾤμωξεν, περὶ δ’ ἰάχε πέτρη, ἡμεῖσ δὲ δείσαντεσ ἀπεσσύμεθ’· αὐτὰρ ὁ μοχλὸν ἐξέρυσ’ ὀφθαλμοῖο πεφυρμένον αἵματι πολλῷ. τὸν μὲν ἔπειτ’ ἔρριψεν ἀπὸ ἑό χερσὶν ἀλύων, αὐτὰρ ὁ Κύκλωπασ μεγάλ’ ἤπυεν, οἵ ῥά μιν ἀμφὶσ ᾤκεον ἐν σπήεσσι δι’ ἄκριασ ἠνεμοέσσασ. οἱ δὲ βοῆσ ἀίοντεσ ἐφοίτων ἄλλοθεν ἄλλοσ, ἱστάμενοι δ’ εἴροντο περὶ σπέοσ ὅττι ἑ κήδοι·

일치하는 문장이 없습니다.

SEARCH

MENU NAVIGATION