Homer, Odyssey, Book 8 4:

(호메로스, 오디세이아, Book 8 4:)

"κέκλυτε, Φαιήκων ἡγήτορεσ ἠδὲ μέδοντεσ, ὄφρ’ εἴπω τά με θυμὸσ ἐνὶ στήθεσσι κελεύει. ξεῖνοσ ὅδ’, οὐκ οἶδ’ ὅσ τισ, ἀλώμενοσ ἵκετ’ ἐμὸν δῶ, ἠὲ πρὸσ ἠοίων ἦ ἑσπερίων ἀνθρώπων· πομπὴν δ’ ὀτρύνει, καὶ λίσσεται ἔμπεδον εἶναι. ἡμεῖσ δ’, ὡσ τὸ πάροσ περ, ἐποτρυνώμεθα πομπήν. οὐδὲ γὰρ οὐδέ τισ ἄλλοσ, ὅτισ κ’ ἐμὰ δώμαθ’ ἵκηται, ἐνθάδ’ ὀδυρόμενοσ δηρὸν μένει εἵνεκα πομπῆσ. ἀλλ’ ἄγε νῆα μέλαιναν ἐρύσσομεν εἰσ ἅλα δῖαν πρωτόπλοον, κούρω δὲ δύω καὶ πεντήκοντα κρινάσθων κατὰ δῆμον, ὅσοι πάροσ εἰσὶν ἄριστοι. δησάμενοι δ’ ἐὺ πάντεσ ἐπὶ κληῖσιν ἐρετμὰ ἔκβητ’· αὐτὰρ ἔπειτα θοὴν ἀλεγύνετε δαῖτα ἡμέτερόνδ’ ἐλθόντεσ· ἐγὼ δ’ ἐὺ πᾶσι παρέξω. κούροισιν μὲν ταῦτ’ ἐπιτέλλομαι· αὐτὰρ οἱ ἄλλοι σκηπτοῦχοι βασιλῆεσ ἐμὰ πρὸσ δώματα καλὰ ἔρχεσθ’, ὄφρα ξεῖνον ἐνὶ μεγάροισι φιλέωμεν, μηδέ τισ ἀρνείσθω. καλέσασθε δὲ θεῖον ἀοιδὸν Δημόδοκον· τῷ γάρ ῥα θεὸσ πέρι δῶκεν ἀοιδὴν τέρπειν, ὅππῃ θυμὸσ ἐποτρύνῃσιν ἀείδειν.

일치하는 문장이 없습니다.

SEARCH

MENU NAVIGATION