Homer, Odyssey, Book 7 19:

εἰ δέ τισ ἀθανάτων γε κατ’ οὐρανοῦ εἰλήλουθεν, ἄλλο τι δὴ τόδ’ ἔπειτα θεοὶ περιμηχανόωνται. αἰεὶ γὰρ τὸ πάροσ γε θεοὶ φαίνονται ἐναργεῖσ ἡμῖν, εὖτ’ ἔρδωμεν ἀγακλειτὰσ ἑκατόμβασ, δαίνυνταί τε παρ’ ἄμμι καθήμενοι ἔνθα περ ἡμεῖσ. εἰ δ’ ἄρα τισ καὶ μοῦνοσ ἰὼν ξύμβληται ὁδίτησ, οὔ τι κατακρύπτουσιν, ἐπεί σφισιν ἐγγύθεν εἰμέν, ὥσ περ Κύκλωπέσ τε καὶ ἄγρια φῦλα Γιγάντων.