Homer, Odyssey, Book 7 14:

ὣς εἰπὼν κατ ἄρ ἕζετ ἐπ ἐσχάρῃ ἐν κονίῃσιν πὰρ πυρί:? οἱ δ ἄρα πάντες ἀκὴν ἐγένοντο σιωπῇ. ὀψὲ δὲ δὴ μετέειπε γέρων ἡρ´ως Ἐχένηος, ὃς δὴ Φαιήκων ἀνδρῶν προγενέστερος ἠε῀ν καὶ μύθοισι κέκαστο, παλαιά τε πολλά τε εἰδώς: ὅ σφιν ἐὺ φρονέων ἀγορήσατο καὶ μετέειπεν: "Ἀλκίνο, οὐ μέν τοι τόδε κάλλιον, οὐδὲ ἐοίκε, ξεῖνον μὲν χαμαὶ ἧσθαι ἐπ ἐσχάρῃ ἐν κονίῃσιν, οἵδε δὲ σὸν μῦθον ποτιδέγμενοι ἰσχανόωνται. ἄλλ ἄγε δὴ ξεῖνον μὲν ἐπὶ θρόνου ἀργυροήλου εἷσον ἀναστήσας, σὺ δὲ κηρύκεσσι κέλευσον οἶνον ἐπικρῆσαι, ἵνα καὶ Διὶ τερπικεραύνῳ σπείσομεν, ὅς θ ἱκέτῃσιν ἅμ αἰδοίοισιν ὀπηδεῖ: δόρπον δὲ ξείνῳ ταμίη δότω ἔνδον ἐόντων.?