Homer, Odyssey, Book 7 10:

(호메로스, 오디세이아, Book 7 10:)

ὅσσον Φαίηκεσ περὶ πάντων ἴδριεσ ἀνδρῶν νῆα θοὴν ἐνὶ πόντῳ ἐλαυνέμεν, ὣσ δὲ γυναῖκεσ ἱστῶν τεχνῆσσαι· πέρι γάρ σφισι δῶκεν Ἀθήνη ἔργα τ’ ἐπίστασθαι περικαλλέα καὶ φρένασ ἐσθλάσ. ἔκτοσθεν δ’ αὐλῆσ μέγασ ὄρχατοσ ἄγχι θυράων τετράγυοσ· περὶ δ’ ἑρ́κοσ ἐλήλαται ἀμφοτέρωθεν. ἔνθα δὲ δένδρεα μακρὰ πεφύκασι τηλεθόωντα, ὄγχναι καὶ ῥοιαὶ καὶ μηλέαι ἀγλαόκαρποι συκέαι τε γλυκεραὶ καὶ ἐλαῖαι τηλεθόωσαι. τάων οὔ ποτε καρπὸσ ἀπόλλυται οὐδ’ ἀπολείπει χείματοσ οὐδὲ θέρευσ, ἐπετήσιοσ· ἀλλὰ μάλ’ αἰεὶ Ζεφυρίη πνείουσα τὰ μὲν φύει, ἄλλα δὲ πέσσει. ὄγχνη ἐπ’ ὄγχνῃ γηράσκει, μῆλον δ’ ἐπὶ μήλῳ, αὐτὰρ ἐπὶ σταφυλῇ σταφυλή, σῦκον δ’ ἐπὶ σύκῳ. ἔνθα δέ οἱ πολύκαρποσ ἀλωὴ ἐρρίζωται, τῆσ ἕτερον μὲν θειλόπεδον λευρῷ ἐνὶ χώρῳ τέρσεται ἠελίῳ, ἑτέρασ δ’ ἄρα τε τρυγόωσιν, ἄλλασ δὲ τραπέουσι· πάροιθε δέ τ’ ὄμφακέσ εἰσιν ἄνθοσ ἀφιεῖσαι, ἕτεραι δ’ ὑποπερκάζουσιν. ἔνθα δὲ κοσμηταὶ πρασιαὶ παρὰ νείατον ὄρχον παντοῖαι πεφύασιν, ἐπηετανὸν γανόωσαι· ἐν δὲ δύω κρῆναι ἡ μέν τ’ ἀνὰ κῆπον ἅπαντα σκίδναται, ἡ δ’ ἑτέρωθεν ὑπ’ αὐλῆσ οὐδὸν ἱήσι πρὸσ δόμον ὑψηλόν, ὅθεν ὑδρεύοντο πολῖται. τοῖ’ ἄρ’ ἐν Ἀλκινόοιο θεῶν ἔσαν ἀγλαὰ δῶρα.

일치하는 문장이 없습니다.

SEARCH

MENU NAVIGATION