Homer, Odyssey, Book 7 9:

(호메로스, 오디세이아, Book 7 9:)

ὣσ ἄρα φωνήσασ’ ἀπέβη γλαυκῶπισ Ἀθήνη πόντον ἐπ’ ἀτρύγετον, λίπε δὲ Σχερίην ἐρατεινήν, ἵκετο δ’ ἐσ Μαραθῶνα καὶ εὐρυάγυιαν Ἀθήνην, δῦνε δ’ Ἐρεχθῆοσ πυκινὸν δόμον. αὐτὰρ Ὀδυσσεὺσ Ἀλκινόου πρὸσ δώματ’ ἰέ κλυτά· πολλὰ δέ οἱ κῆρ ὡρ́μαιν’ ἱσταμένῳ, πρὶν χάλκεον οὐδὸν ἱκέσθαι. ὥσ τε γὰρ ἠελίου αἴγλη πέλεν ἠὲ σελήνησ δῶμα καθ’ ὑψερεφὲσ μεγαλήτοροσ Ἀλκινόοιο. χάλκεοι μὲν γὰρ τοῖχοι ἐληλέδατ’ ἔνθα καὶ ἔνθα, ἐσ μυχὸν ἐξ οὐδοῦ, περὶ δὲ θριγκὸσ κυάνοιο· χρύσειαι δὲ θύραι πυκινὸν δόμον ἐντὸσ ἐέργον· σταθμοὶ δ’ ἀργύρεοι ἐν χαλκέῳ ἕστασαν οὐδῷ, ἀργύρεον δ’ ἐφ’ ὑπερθύριον, χρυσέη δὲ κορώνη. χρύσειοι δ’ ἑκάτερθε καὶ ἀργύρεοι κύνεσ ἦσαν, οὓσ Ἥφαιστοσ ἔτευξεν ἰδυίῃσι πραπίδεσσι δῶμα φυλασσέμεναι μεγαλήτοροσ Ἀλκινόοιο, ἀθανάτουσ ὄντασ καὶ ἀγήρωσ ἤματα πάντα. ἐν δὲ θρόνοι περὶ τοῖχον ἐρηρέδατ’ ἔνθα καὶ ἔνθα, ἐσ μυχὸν ἐξ οὐδοῖο διαμπερέσ, ἔνθ’ ἐνὶ πέπλοι λεπτοὶ ἐύννητοι βεβλήατο, ἔργα γυναικῶν. ἔνθα δὲ Φαιήκων ἡγήτορεσ ἑδριόωντο πίνοντεσ καὶ ἔδοντεσ· ἐπηετανὸν γὰρ ἔχεσκον. χρύσειοι δ’ ἄρα κοῦροι ἐυδμήτων ἐπὶ βωμῶν ἕστασαν αἰθομένασ δαί̈δασ μετὰ χερσὶν ἔχοντεσ, φαίνοντεσ νύκτασ κατὰ δώματα δαιτυμόνεσσι. πεντήκοντα δέ οἱ δμωαὶ κατὰ δῶμα γυναῖκεσ αἱ μὲν ἀλετρεύουσι μύλῃσ ἔπι μήλοπα καρπόν, αἱ δ’ ἱστοὺσ ὑφόωσι καὶ ἠλάκατα στρωφῶσιν ἥμεναι, οἱᾶ́ τε φύλλα μακεδνῆσ αἰγείροιο· καιρουσσέων δ’ ὀθονέων ἀπολείβεται ὑγρὸν ἔλαιον.

일치하는 문장이 없습니다.

SEARCH

MENU NAVIGATION