Homer, Odyssey, Book 6 25:

(호메로스, 오디세이아, Book 6 25:)

αὐτὰρ Ναυσικάα λευκώλενοσ ἄλλ’ ἐνόησεν· εἵματ’ ἄρα πτύξασα τίθει καλῆσ ἐπ’ ἀπήνησ, ζεῦξεν δ’ ἡμιόνουσ κρατερώνυχασ, ἂν δ’ ἔβη αὐτή, ὤτρυνεν δ’ Ὀδυσῆα, ἔποσ τ’ ἔφατ’ ἔκ τ’ ὀνόμαζεν· "ὄρσεο δὴ νῦν, ξεῖνε, πόλινδ’ ἴμεν ὄφρα σε πέμψω πατρὸσ ἐμοῦ πρὸσ δῶμα δαί̈φρονοσ, ἔνθα σέ φημι πάντων Φαιήκων εἰδησέμεν ὅσσοι ἄριστοι. ἀλλὰ μάλ’ ὧδ’ ἔρδειν, δοκέεισ δέ μοι οὐκ ἀπινύσσειν· ὄφρ’ ἂν μέν κ’ ἀγροὺσ ἰόμεν καὶ ἔργ’ ἀνθρώπων, τόφρα σὺν ἀμφιπόλοισι μεθ’ ἡμιόνουσ καὶ ἄμαξαν καρπαλίμωσ ἔρχεσθαι· ἐγὼ δ’ ὁδὸν ἡγεμονεύσω. αὐτὰρ ἐπὴν πόλιοσ ἐπιβήομεν, ἣν πέρι πύργοσ ὑψηλόσ, καλὸσ δὲ λιμὴν ἑκάτερθε πόληοσ, λεπτὴ δ’ εἰσίθμη· νῆεσ δ’ ὁδὸν ἀμφιέλισσαι εἰρύαται· πᾶσιν γὰρ ἐπίστιόν ἐστιν ἑκάστῳ. ἔνθα δέ τέ σφ’ ἀγορὴ καλὸν Ποσιδήιον ἀμφίσ, ῥυτοῖσιν λάεσσι κατωρυχέεσσ’ ἀραρυῖα. ἔνθα δὲ νηῶν ὅπλα μελαινάων ἀλέγουσι, πείσματα καὶ σπεῖρα, καὶ ἀποξύνουσιν ἐρετμά. οὐ γὰρ Φαιήκεσσι μέλει βιὸσ οὐδὲ φαρέτρη, ἀλλ’ ἱστοὶ καὶ ἐρετμὰ νεῶν καὶ νῆεσ ἐῖσαι, ᾗσιν ἀγαλλόμενοι πολιὴν περόωσι θάλασσαν. τῶν ἀλεείνω φῆμιν ἀδευκέα, μή τισ ὀπίσσω μωμεύῃ· μάλα δ’ εἰσὶν ὑπερφίαλοι κατὰ δῆμον· καί νύ τισ ὧδ’ εἴπῃσι κακώτεροσ ἀντιβολήσασ· τίσ δ’ ὅδε Ναυσικάᾳ ἕπεται καλόσ τε μέγασ τε ξεῖνοσ; ποῦ δέ μιν εὑρ͂ε; πόσισ νύ οἱ ἔσσεται αὐτῇ. ἦ τινά που πλαγχθέντα κομίσσατο ἧσ ἀπὸ νηὸσ ἀνδρῶν τηλεδαπῶν, ἐπεὶ οὔ τινεσ ἐγγύθεν εἰσίν· ἤ τίσ οἱ εὐξαμένῃ πολυάρητοσ θεὸσ ἦλθεν οὐρανόθεν καταβάσ, ἕξει δέ μιν ἤματα πάντα. βέλτερον, εἰ καὐτή περ ἐποιχομένη πόσιν εὑρ͂εν ἄλλοθεν· ἦ γὰρ τούσδε γ’ ἀτιμάζει κατὰ δῆμον Φαίηκασ, τοί μιν μνῶνται πολέεσ τε καὶ ἐσθλοί. ὣσ ἐρέουσιν, ἐμοὶ δέ κ’ ὀνείδεα ταῦτα γένοιτο. καὶ δ’ ἄλλῃ νεμεσῶ, ἥ τισ τοιαῦτά γε ῥέζοι, ἥ τ’ ἀέκητι φίλων πατρὸσ καὶ μητρὸσ ἐόντων, ἀνδράσι μίσγηται, πρίν γ’ ἀμφάδιον γάμον ἐλθεῖν.

일치하는 문장이 없습니다.

SEARCH

MENU NAVIGATION