Homer, Odyssey, Book 5 16:

ὣσ φάτο, ῥίγησεν δὲ πολύτλασ δῖοσ Ὀδυσσεύσ, καί μιν φωνήσασ ἔπεα πτερόεντα προσηύδα· "ἄλλο τι δὴ σύ, θεά, τόδε μήδεαι, οὐδέ τι πομπήν, ἥ με κέλεαι σχεδίῃ περάαν μέγα λαῖτμα θαλάσσησ, δεινόν τ’ ἀργαλέον τε· τὸ δ’ οὐδ’ ἐπὶ νῆεσ ἐῖσαι ὠκύποροι περόωσιν, ἀγαλλόμεναι Διὸσ οὔρῳ. οὐδ’ ἂν ἐγὼν ἀέκητι σέθεν σχεδίησ ἐπιβαίην, εἰ μή μοι τλαίησ γε, θεά, μέγαν ὁρ́κον ὀμόσσαι μή τί μοι αὐτῷ πῆμα κακὸν βουλευσέμεν ἄλλο.