헬라어 문장 검색 - Ηομερ́Οδψσσεψ́03́0́015́

(호메로스, 오디세이아, Book 3 15:)

τὸν δ’ ἠμείβετ’ ἔπειτα Γερήνιοσ ἱππότα Νέστωρ· "ὦ φίλ’, ἐπεί μ’ ἔμνησασ ὀιζύοσ, ἥν ἐν ἐκείνῳ δήμῳ ἀνέτλημεν μένοσ ἄσχετοι υἱε͂σ Ἀχαιῶν, ἠμέν ὅσα ξὺν νηυσίν ἐπ’ ἠεροειδέα πόντον πλαζόμενοι κατὰ ληίδ’, ὅπῃ ἄρξειεν Ἀχιλλεύσ, ἠδ’ ὅσα καὶ περί ἄστυ μέγα Πριάμοιο ἄνακτοσ μαρνάμεθ’· ἔνθα δ’ ἔπειτα κατέκταθεν ὅσσοι ἄριστοι. ἔνθα μὲν Αἰάσ κεῖται ἀρήιοσ, ἔνθα δ’ Ἀχιλλεύσ, ἔνθα δὲ Πάτροκλοσ, θεόφιν μήστωρ ἀτάλαντοσ, ἔνθα δ’ ἐμὸσ φίλοσ υἱόσ, ἅμα κρατερὸσ καὶ ἀμύμων, Ἀντίλοχοσ, πέρι μὲν θείειν ταχὺσ ἠδὲ μαχητήσ· ἄλλα τε πόλλ’ ἐπὶ τοῖσ πάθομεν κακά· τίσ κεν ἐκεῖνα πάντα γε μυθήσαιτο καταθνητῶν ἀνθρώπων; οὐδ’ εἰ πεντάετέσ γε καὶ ἑξάετεσ παραμίμνων ἐξερέοισ ὅσα κεῖθι πάθον κακὰ δῖοι Ἀχαιοί· πρίν κεν ἀνιηθεὶσ σὴν πατρίδα γαῖαν ἵκοιο. εἰνάετεσ γάρ σφιν κακὰ ῥάπτομεν ἀμφιέποντεσ παντοίοισι δόλοισι, μόγισ δ’ ἐτέλεσσε Κρονίων. ἔνθ’ οὔ τίσ ποτε μῆτιν ὁμοιωθήμεναι ἄντην ἤθελ’, ἐπεὶ μάλα πολλὸν ἐνίκα δῖοσ Ὀδυσσεὺσ παντοίοισι δόλοισι, πατὴρ τεόσ, εἰ ἐτεόν γε κείνου ἔκγονόσ ἐσσι· σέβασ μ’ ἔχει εἰσορόωντα. ἦ τοι γὰρ μῦθοί γε ἐοικότεσ, οὐδέ κε φαίησ ἄνδρα νεώτερον ὧδε ἐοικότα μυθήσασθαι. ἔνθ’ ἦ τοι ἡο͂σ μὲν ἐγὼ καὶ δῖοσ Ὀδυσσεὺσ οὔτε ποτ’ εἰν ἀγορῇ δίχ’ ἐβάζομεν οὔτ’ ἐνὶ βουλῇ, ἀλλ’ ἕνα θυμὸν ἔχοντε νόω καὶ ἐπίφρονι βουλῇ φραζόμεθ’ Ἀργείοισιν ὅπωσ ὄχ’ ἄριστα γένοιτο. αὐτὰρ ἐπεὶ Πριάμοιο πόλιν διεπέρσαμεν αἰπήν, βῆμεν δ’ ἐν νήεσσι, θεὸσ δ’ ἐσκέδασσεν Ἀχαιούσ, καὶ τότε δὴ Ζεὺσ λυγρὸν ἐνὶ φρεσὶ μήδετο νόστον Ἀργείοισ, ἐπεὶ οὔ τι νοήμονεσ οὐδὲ δίκαιοι πάντεσ ἔσαν· τῶ σφεων πολέεσ κακὸν οἶτον ἐπέσπον μήνιοσ ἐξ ὀλοῆσ γλαυκώπιδοσ ὀβριμοπάτρησ. ἥ τ’ ἔριν Ἀτρεί̈δῃσι μετ’ ἀμφοτέροισιν ἔθηκε. τὼ δὲ καλεσσαμένω ἀγορὴν ἐσ πάντασ Ἀχαιούσ, μάψ, ἀτὰρ οὐ κατὰ κόσμον, ἐσ ἠέλιον καταδύντα, οἱ ἦλθον οἴνῳ βεβαρηότεσ υἱε͂σ Ἀχαιῶν, μῦθον μυθείσθην, τοῦ εἵνεκα λαὸν ἄγειραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Homer, Odyssey, Book 3 15:

(호메로스, 오디세이아, Book 3 15:)

상위

목록

SEARCH

MENU NAVIGATION