Homer, Odyssey, Book 2 47:

(호메로스, 오디세이아, Book 2 47:)

ὣσ ἄρα φωνήσασ ἡγήσατο, τοὶ δ’ ἅμ’ ἕποντο. οἱ δ’ ἄρα πάντα φέροντεσ ἐυσσέλμῳ ἐπὶ νηὶ κάτθεσαν, ὡσ ἐκέλευσεν Ὀδυσσῆοσ φίλοσ υἱόσ. ἂν δ’ ἄρα Τηλέμαχοσ νηὸσ βαῖν’, ἦρχε δ’ Ἀθήνη, νηὶ δ’ ἐνὶ πρυμνῇ κατ’ ἄρ’ ἕζετο· ἄγχι δ’ ἄρ’ αὐτῆσ ἕζετο Τηλέμαχοσ. τοὶ δὲ πρυμνήσι’ ἔλυσαν, ἂν δὲ καὶ αὐτοὶ βάντεσ ἐπὶ κληῖσι καθῖζον. τοῖσιν δ’ ἴκμενον οὖρον ἱεί γλαυκῶπισ Ἀθήνη, ἀκραῆ Ζέφυρον, κελάδοντ’ ἐπὶ οἴνοπα πόντον. Τηλέμαχοσ δ’ ἑτάροισιν ἐποτρύνασ ἐκέλευσεν ὅπλων ἅπτεσθαι· τοὶ δ’ ὀτρύνοντοσ ἄκουσαν. ἱστὸν δ’ εἰλάτινον κοίλησ ἔντοσθε μεσόδμησ στῆσαν ἀείραντεσ, κατὰ δὲ προτόνοισιν ἔδησαν, ἕλκον δ’ ἱστία λευκὰ ἐυστρέπτοισι βοεῦσιν. ἔπρησεν δ’ ἄνεμοσ μέσον ἱστίον, ἀμφὶ δὲ κῦμα στείρῃ πορφύρεον μεγάλ’ ἰάχε νηὸσ ἰούσησ· ἡ δ’ ἔθεεν κατὰ κῦμα διαπρήσσουσα κέλευθον. δησάμενοι δ’ ἄρα ὅπλα θοὴν ἀνὰ νῆα μέλαιναν στήσαντο κρητῆρασ ἐπιστεφέασ οἴνοιο, λεῖβον δ’ ἀθανάτοισι θεοῖσ αἰειγενέτῃσιν, ἐκ πάντων δὲ μάλιστα Διὸσ γλαυκώπιδι κούρῃ. παννυχίη μέν ῥ’ ἥ γε καὶ ἠῶ πεῖρε κέλευθον.

일치하는 문장이 없습니다.

SEARCH

MENU NAVIGATION