Homer, Odyssey, Book 1 38:

τὸν δ’ αὖ Τηλέμαχοσ πεπνυμένοσ ἀντίον ηὔδα· "Ἀντίνο’, ἦ καί μοι νεμεσήσεαι ὅττι κεν εἴπω; καὶ κεν τοῦτ’ ἐθέλοιμι Διόσ γε διδόντοσ ἀρέσθαι. ἦ φῂσ τοῦτο κάκιστον ἐν ἀνθρώποισι τετύχθαι; οὐ μὲν γάρ τι κακὸν βασιλευέμεν· αἶψά τέ οἱ δῶ ἀφνειὸν πέλεται καὶ τιμηέστεροσ αὐτόσ. ἀλλ’ ἦ τοι βασιλῆεσ Ἀχαιῶν εἰσὶ καὶ ἄλλοι πολλοὶ ἐν ἀμφιάλῳ Ἰθάκῃ, νέοι ἠδὲ παλαιοί, τῶν κέν τισ τόδ’ ἔχῃσιν, ἐπεὶ θάνε δῖοσ Ὀδυσσεύσ· αὐτὰρ ἐγὼν οἴκοιο ἄναξ ἔσομ’ ἡμετέροιο καὶ δμώων, οὕσ μοι ληίσσατο δῖοσ Ὀδυσσεύσ.