Homer, Odyssey, Book 1 20:

τὸν δ’ αὖτε προσέειπε θεά, γλαυκῶπισ Ἀθήνη· "οὐ μέν τοι γενεήν γε θεοὶ νώνυμνον ὀπίσσω θῆκαν, ἐπεὶ σέ γε τοῖον ἐγείνατο Πηνελόπεια. ἀλλ’ ἄγε μοι τόδε εἰπὲ καὶ ἀτρεκέωσ κατάλεξον· τίσ δαίσ, τίσ δὲ ὅμιλοσ ὅδ’ ἔπλετο; τίπτε δέ σε χρεώ; εἰλαπίνη ἠὲ γάμοσ; ἐπεὶ οὐκ ἔρανοσ τάδε γ’ ἐστίν· ὥσ τέ μοι ὑβρίζοντεσ ὑπερφιάλωσ δοκέουσι δαίνυσθαι κατὰ δῶμα. νεμεσσήσαιτό κεν ἀνὴρ αἴσχεα πόλλ’ ὁρόων, ὅσ τισ πινυτόσ γε μετέλθοι.