헬라어 문장 검색 - ΑτηενάΤηεΔειπ

(아테나이오스, The Deipnosophists, Book 9, book 9, chapter 70)

πρὸσ ταῦτα Αἰμιλιανὸσ ἔφη· · βέλτιστε, πολλοῖσ πολλὰ περὶ μαγειρικῆσ εἰρημέν’ ἐστὶ κατὰ τοὺσ Ἡγησίππου Ἀδελφούσ· σὺ οὖν ἢ δρῶν τι φαίνου καινὸν ̔ παρὰ τοὺσ ἔμπροσθεν’ ἢ μὴ κόπτ’ ἐμέ, καὶ δεῖξον ὃ φέρεισ καὶ λέγε τί ἐστι. καὶ ὅσ· · β. καταφρονεῖσ ὅτι μάγειρόσ εἰμι ἴσωσ ὅσον ἀπὸ ταύτησ τῆσ τέχνησ εἴργασμ’ ἐγώ, κατά, τὸν κωμικὸν Δημήτριον, ὃσ ἐν τῷ ἐπιγραφομένῳ Ἀρεοπαγίτῃ ταῦτ’ εἴρηκεν ὅσον δ’ ἀπὸ ταύτησ τῆσ τέχνησ εἴργασμ’ ἐγώ, οὐδεὶσ ὑποκριτήσ ἐσθ’ ὅλωσ εἰργασμένοσ. καπνιζομένη τυραννὶσ αὕτη ’σθ’ ἡ τέχνη, ἀβυρτακοποιὸσ παρὰ Σέλευκον ἐγενόμην, παρ’ Ἀγαθοκλεῖ δὲ πρῶτοσ εἰσήνεγκ’ ἐγὼ τῷ Σικελιώτῃ τὴν τυραννικὴν φακῆν. τὸ μέγιστον οὐκ εἴρηκα Λαχάρουσ τινόσ, ὅτ’ ἦν ὁ λιμόσ, ἑστιῶντοσ τοὺσ φίλουσ, ἀνάληψιν ἐποίησ1’ εἰσενέγκασ κάππαριν. α.

"εἰ μὴ δείξεισ ὅ τι φέρεισ. καὶ ὃσ μόλισ ἔφη· "ῥοδωνιὰν καλῶ μὲν τὴν λοπάδα ταύτην ἐγώ ἐσκεύασται δ’ οὕτωσ, ἵνα καὶ ἥδυσμα στεφανωτικὸν μὴ μόνον ἐπὶ τῆσ κεφαλῆσ λαβὼν σχῇσ, ἀλλὰ καὶ ἔνδον σεαυτοῦ καὶ πανδαισίᾳ τὸ σωμάτιον πᾶν ἑστιάσῃσ, ῥόδα τὰ εὐοσμότατα ἐν ἴγδει τρίψασ ἐπέβαλον ἐγκεφάλουσ ὀρνίθων τε καὶ χοίρων ἑφθοὺσ σφόδρα ἐξινιασθέντασ καὶ τῶν ᾠῶν τὰ χρυσᾶ, μεθ’ ἃ ἔλαιον, γάρον, πέπερι, οἶνον.

"καὶ ταῦτα διατρίψασ ἐπιμελῶσ ἐνέβαλον εἰσ λοπάδα καινήν, ἁπαλὸν καὶ συνεχὲσ διδοὺσ τὸ πῦρ. καὶ ἅμα λέγων ἀναπετάσασ τὴν λοπάδα τοσαύτην εὐωδίαν παρέσχε τῷ συμποσίῳ, ὡσ ἀληθῶσ τινα τῶν παρόντων εἰπεῖν τοῦ καὶ κινυμένοιο Διὸσ ποτὶ χαλκοβατὲσ δῶ ἔμπησ ἐσ γαῖάν τε καὶ οὐρανὸν ἵκετ’ αὐτμή.

τοσαύτη διεχύθη ἀπὸ τῶν ῥόδων εὐωδία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 9, book 9, chapter 70

(아테나이오스, The Deipnosophists, Book 9, book 9, chapter 70)

상위

목록

SEARCH

MENU NAVIGATION